天朗氣清，晨早起身，帶毛毛去彭福跑一轉先～
我哋去到時無乜人同狗～
下午有馬術表演，所以草地set晒ｄ障礙賽用嘅跳欄喺度～
人少狗少，毛毛跑得好開心～～～
衝線啦！
再嚟一張正面衝線～～～
毛毛今日表現超good，俾10分你啦～
玩到咁上下歡歡同Ca仔都嚟咗，整張合照先呢！
平時毛毛最鍾意吠Ca仔，今日無呀，仲可以影到合照呀～
毛毛book咗11點半沖涼，玩到11點就要走啦，走時仲見到辣妹同蘇蘇，傾咗一陣就真係要走啦，如果唔係會遲到架啦，下次再一齊玩啦！
沖完涼，又白又香噴噴～
不過轉個頭毛毛就不支倒地，要瞓覺覺豬啦！
真係早有早好呀,下午我d哥基朋友仔去開生日會,全部都要拖繩真係玩都玩得吾夠盡興呢
回覆刪除[版主回覆03/13/2011 15:41:00]朝早少人又無咁熱，所以我哋多數都係一早去架！
下晝有馬術表演吖麻，無辦法啦...
毛毛沖涼間野好似好靚咁
回覆刪除[版主回覆03/13/2011 15:42:00]幾好架，日本人開，係西貢，叫b-dog呀！
毛毛今日心情好好呀! 每一張相都笑得好甜呀!
回覆刪除[版主回覆03/13/2011 21:37:00]毛毛今日心情真係超好呀，玩到唔願走添呀！
毛毛，你可以包場咁正呀，我地去果陣好多朋友仔喇！
回覆刪除[版主回覆03/13/2011 21:38:00]咁咪好囉，有咁多朋友仔一齊玩，下次約堆再去過啦！
彭福星期六日真係超多人同狗, 所以我鍾意平日去, 可以包場吖瑪~~
回覆刪除[版主回覆03/14/2011 23:20:00]平日要返工無得去！
早d去到又唔熱又唔晒都幾好!
回覆刪除[版主回覆03/14/2011 23:19:00]不過彭福ｄ開放時間時早時晏，有時早去會摸門針架！
毛毛呀, 如果你再向前行多啲, 我地就會見到架嘞!!!!!!!
回覆刪除[版主回覆03/14/2011 23:18:00]吓！原來你哋都喺度呀，下次去彭福唔使約啦！
毛毛個樣勁開心ar
回覆刪除[版主回覆03/14/2011 23:14:00]都係玩埋呢個月，下個月毛毛要喺屋企避暑啦！
今日咁少人去既？
回覆刪除[版主回覆03/17/2011 16:57:00]我哋去得一個幾鍾,所以無特別約朋友仔去,不過去到竟然撞到咁多朋友喎!
我地鍾意行到最入嗰度玩吖嘛, 少啲人行入去
回覆刪除彭福o既歡樂早塲, 我地好多時都出席, 因為呀媽佢.......今年不良於行......去彭福至啱佢
[版主回覆03/18/2011 12:19:00]下次知啦，早ｄ去，行入ｄ！