MOS狗狗街坊福利會攪嘅春季旅行又要開工作會議啦，今日係歡歡生日，首先祝歡歡生日快樂，身體健康，年年有旅行去，日日有雞雞食！
真係唔好意思，我間屋得兩張吧椅，所以要辛苦大家企喺度傾啦～～～
傾傾吓小朋友又嚟玩試衫，不過好似ｄ大人開心過小朋友喎！
我哋都有正經傾嘢嘅時候架，今日fix咗好多嘢～～
－制服落實咗款式，顏色同用料
－租車嘅款式
－出發日出機場嘅時間同車安排
－到達日本機場後接狗同攞車嘅分工安排
－酒店等等.......
介紹吓我哋ｄ小朋友團員先，金菇，佢係來自日本嘅柴犬～～
細mo mo，因為佢年紀細過毛豬豬，所以佢係細毛，我個女係大毛，你哋唔好攪錯呀！
歡歡，最近你哋應該成日喺我個blog度見到佢啦～～～
細mo真係成日都咁嗲架～～～
最後由毛主席宣佈散會，放飯啦！
今日我哋去咗大埔Luca食意大利菜，食物同環境都好好，最緊要係佢哋對我哋ｄ小朋友好好，呢ｄ餐廳真係要嚟多幾次啦～～～
今日我哋其實食咗好多嘢，不過到最後一刻清碟嘅時候先醒起未影相，所以大家淨係睇到我哋大戰後嘅場面，ｄ靚靚餸就無得睇啦～～～
不過甜品就有影喎～～
開心又滿足嘅一餐～～～
其實我哋之前仲有ｄ準備工作做咗架，而家補返先～～～
11月3日 － 行李試裝
11人5狗嘅行李真係唔講得笑，總共有12個喼，５個飛機籠，仲有背囊，所以我哋其中一架車會租貨van，但都幾擔心ｄ行李放唔落，所以歡爸特登問朋友借咗架車返嚟俾我哋試裝～～
原來放晒仲有大把位，咁大家都可以放心晒～～～
男士們再研究埋點樣去固定ｄ行李，OK，車無問題啦～～～
你地好認真呀! 連VAN都得登借返黎試放行李.. 但係有無計埋個籠呀?! 個籠都阻地方!
回覆刪除btw, 我地星期五係日本返左黎啦...雖有有幾日天氣麻麻, 但係都好開心! 好多謝你成日解答我既疑難呀!!!!! 希望遲D 你地日本之行大成功!!!!
[版主回覆11/21/2010 16:36:00]有呀，你唔見個超級大籠喺度咩，我哋ｄ細籠就會放喺個大籠裡面，層層叠咁囉～
天氣唔重要，心情最重要呀！快啲post啲靚相嚟睇吓啦，泰臣係咪玩到好攰呢，毛毛去完日本要瞓返３日架～
唔使客氣啦，最緊要大大細細都可以玩得開心又放心吖麻！
又去日本...帶埋我去啦.
回覆刪除[版主回覆11/21/2010 16:28:00]咁你第日去買餸買嘢飲時帶埋我去得唔得先？
回覆刪除毛毛呢個樣好嚴肅喎, 果然有毛主席風範!
[版主回覆11/21/2010 16:04:00]梗係嚴肅啦，放飯喎！
您哋又去日本, 真係好羨慕 今次仲咁多朋友仔一齊去, 祝您哋順順利利, 開開心心
回覆刪除[版主回覆11/21/2010 16:40:00]嘻嘻，驗咗血唔好嘥吖麻，去多次抵ｄ呀！
今次咁多人，手續會麻煩ｄ，所以一定要小心ｄ，但玩就一定會開心好多！
多謝先啦！
今次同咁多朋友仔一齊去, 一定更加開心呢!
回覆刪除[版主回覆11/22/2010 23:11:00]係呀，一定好開心，不過就一定唔夠瞓囉！
今次個團好熱鬧, 好期待到時睇你哋的旅行靚相~
回覆刪除[版主回覆11/22/2010 23:14:00]真係從未如此大團過呀，返嚟ｄ相就難揀啦，有11架相機呀！
你嗰句年年有旅行去, 日日有雞雞食, 我都想呀~~
回覆刪除[版主回覆11/22/2010 23:15:00]你點止年年有旅行去, 日日有雞雞食呀！
無份去都鄧你們開心.祝旅途愉快~~
回覆刪除番來又有野睇.Yeah.
[版主回覆11/22/2010 23:17:00]多謝晒，我哋其實想一齊去好耐架啦，難得大家ｄ時間夾到可以成行！
11人5狗, 咪要2架七人車? 真係人強狗壯
回覆刪除[版主回覆11/22/2010 23:58:00]係要一架貨van加一架８人車先夠呀！
毛毛: 你地講完未呀, 等我嘆返杯咖啡先!
回覆刪除[版主回覆11/22/2010 23:59:00]蘇蘇你真好眼，我媽咪架至愛你都留意到！
哈哈哈, 真係攞架車攞晒d喼黎試擺行李, 真係好認真呀! 你d團友有你呢個領隊實在太幸福喇.
回覆刪除[版主回覆11/27/2010 12:23:00]無計啦，咁多行李，仲要有５個籠，如果到時放唔落我真係唔知點算，好在大家都係住附近，試擺都好方便！
去到佢哋就知，呢團係阿珍帶架！