都講明係”無飯煮婦”，當然今晚唔係食飯啦～～～
放工經過CitySuper，俾我發現佢呀！
.gif)
***七代佐藤養助烏冬***
呢隻係我最愛食嘅烏冬，喺日本都淨係得東北幾個縣同東京嘅銀座有得食架咋！而家佢登陸香港，真係正正正呀～～～
另外如果你唔想自己煮，而家圓方都有間日本餐廳係用呢隻烏冬架，好好味，如果你都係烏冬迷就一定要去試吓呀！
稻庭烏冬．鍋物日本餐廳 (Tel : 2196 8989)
呢個就係我哋今日簡單但滿足嘅晚餐～～～
.gif)
新鮮蔬菜沙律，黃椒係毛毛嘅最愛
！
不過今日有人好大懵，食烏冬又唔記得買豉油，好在呢度街坊多，今日由歡家贊助我哋烏冬豉油！
(Empty)
回覆刪除[版主回覆07/18/2010 14:11:00]真係一個月都無一餐喺屋企食呀
你講得咁正, 咁我都要揾机會試吓先
回覆刪除你講開歡家贊助烏冬豉油, 令我諗起一個笑話:
話說A family叫個仔去鄰居B family度借醋, 理由係「今晚我家食蟹」... 咁小事, 又偶然一次, B family梗冇托手踭喇! 點知如是者, A family往後數週都派個仔用同样理由嚟借醋。 借醋事小, 但so far A family連蟹爪都冇請過B family食, 但就頻頻叫個仔嚟借醋, B family難免不悅, 如是有一天 ~~~~~~
B family亦派自已個仔去A family鐘:
A太: 「B仔, 咩事呀?」
B仔: 「A太, 媽咪叫我過嚟問你地借蟹....因為今晚我家食醋 」
[版主回覆07/20/2010 23:33:00]一定要試圓方嗰間呀，係戲院旁邊，天婦羅都好正！
你同梁歡夾堆架，我呢個”無飯煮婦”邊有嘢借俾人吖，最多都係即食麵，要唔要呀！
問街坊攞豉油... 我亞媽以前都會架.
回覆刪除[版主回覆07/20/2010 23:47:00]而家香港地ｄ後生仔女先會咁，你喺奧地利唔知架啦！
我係烏冬迷呀..平時去一田買,遲d買黎試下先,有冇好味豉油介紹埋呀?我用普通素麵汁咋
回覆刪除[版主回覆07/20/2010 23:50:00]咁快ｄ去圓方試吓啦！
佢有自己牌子嘅烏冬豉油，都幾好，喺嗰間日本餐廳有得賣呀！
wahahaha, nanako ee講得好!
回覆刪除今晚我地上黎借烏冬
[版主回覆07/20/2010 23:51:00]有兩個烏冬...............................吉袋等緊你哋呀！