近排真係有ｄ忙到透唔到氣嘅感覺，而新blog嗰邊又有問題，搞到最近真係好少好少出blog，而家會搬返嚟Yahoo Blog先，遲ｄ揾到更好嘅先算啦！
毛婆最近身體差，經常唔舒服，上個星期仲入埋醫院，而啱啱上個星期我老細又放大假，唔可以放假照顧毛婆，所以每日都係返朝早，拿拿臨覆晒ｄurgent嘢，下午就放假陪毛婆，而家毛婆已經出咗院，身體都好咗好多，而家我可以放下心頭大石，專心寫行程，訂酒店同搞手續啦！
毛婆同我講佢好想去北海道，所以今年九月我會帶毛婆去北海道睇紅葉，其實毛婆嘅身體係我好擔心嘅一個環節，希望毛婆身體會慢慢好轉，九月就可以完成心願，今次同毛婆去嘅行程會盡量少用腳行嘅，車要到門口，車程唔太長就要有休息站，plan今次行程真係有ｄ難度～～～
而家我手頭上有四個行程要plan，第一次覺得plan行程有壓力，因為基本上都係幾有難度嘅行程，不過唔會難到我嘅，呢ｄ都係我鍾意做嘅嘢！
好啦，講返毛毛先，毛毛好怕熱，夏天去唔到街街，歡媽就喺Three Dog訂咗件Ruff Wear Swamp Cooler俾毛毛試，希望毛毛可以多ｄ街去，星期六同歡家一齊出動去試衫，件衫真係好fit身，不過都係會整濕ｄ毛毛所以都係無買，但係就認識咗一個好好嘅狗狗用品牌子
Ruff Wear Swamp Cooler
嗰件唔啱，唔緊要，仲有好多款試，嚟緊同毛毛去嘅行程會好多戶外活動，所以揀咗件雨褸俾毛毛，又係好fit毛毛身呀！
頂帽就最好，點郁都唔會走位，又唔會遮住毛毛睇嘢～～～
毛毛著咗都無反感～～～
不過無新嘅要訂咗遲ｄ先有得攞.........
毛毛：吓要等呀？.....................好啦，我等你
祝毛婆婆日日健康又快樂！
回覆刪除[版主回覆06/15/2010 13:48:00]多謝呀！呢幾日好ｄ啦！
祝毛婆婆早日康復!
回覆刪除毛毛, 你件衫衫真係好靚, 好似小紅帽呀!
[版主回覆06/15/2010 13:50:00]多謝蕃茄！
Daddy 話我著紅色好睇喎！
頂帽就幾好...不過肚腩位一樣濕喎
回覆刪除[版主回覆06/15/2010 20:35:00]基本上落雨都唔會俾毛毛落地行架啦，抱住起碼唔會濕背脊，而且可以檔下風，諗住俾佢當風褸著架～～～
毛毛你著起件衫好靚女喎!! 祝毛婆婆身體健康, 快D好返去旅行啦!!
回覆刪除[版主回覆06/15/2010 20:51:00]多謝風神哥哥～～～
我哋成個家族由大到細都鍾意去旅行架，婆婆知道有旅行去就會乖乖休息，好得快ｄ架啦！
係囉, 個肚仔一樣會濕晒, 咁咪無用?????
回覆刪除[版主回覆06/15/2010 20:48:00]基本上落雨都唔會俾毛毛落地行架啦，抱住起碼唔會濕背脊，而且可以檔下風，諗住俾佢當風褸著架，而家毛毛年紀大啦，我諗佢會怕凍ｄ～～～
佢條頸d毛可以做d頸巾吖.....
回覆刪除[版主回覆06/15/2010 20:53:00]唔知使唔使同佢做返ｄ收緊嘅mask呢？
希望毛婆婆快D好返就可以去睇紅葉啦~~
回覆刪除[版主回覆06/20/2010 01:38:00]多謝晒，毛婆婆已經好好多啦！
祝毛婆怏d好返, 健健康康咁去日本玩.
回覆刪除毛毛個雨褸look好型wor!!!!!
[版主回覆06/20/2010 01:40:00]多謝晒，毛婆婆已經好好多啦！ 你都玩得開心ｄ！
如果唔係，毛爸點會捨得買吖！
祝毛婆早日痊癒, 精神爽利去旅行~
回覆刪除落雨天通常都唔會帶狗仔落街, 所以件雨衣在下雨天作用都唔大, 反而天氣涼和大風時穿它去街更適合, 毛毛著得好好睇, 好合身呢~
[版主回覆06/20/2010 01:43:00]多謝晒，毛婆婆已經好好多啦！
係呀，都係買嚟俾毛毛當風褸著，毛毛身形好難買衫，呢件真係難得咁啱身呀！