屋企用開部吸塵機已經用咗差唔多６年，吸力開始減弱，一直想揾架吸力好，易清理同size細嘅機，最好有埋蒸汽就最好，不過揾咗好耐都未啱心水～～～
前排毛毛病喺屋企陪佢嘅時候，唔出得街，唯有成日係個internet度游，有一日俾我喺一間日本酒店嘅網頁度揾到以下呢部吸塵機，間酒店係狗狗都可以入住嘅，所以酒店好標榜房間清潔，佢哋講明係用呢隻牌子機做房間清潔嘅，日本人要求高大家都知架啦，如果佢標榜得一樣嘢一定有返咁上下嘅
～～～
好，於是周圍揾，發現香港都有得賣，今日喺一田搬咗部返屋企，初部試機，吸力好勁，機身好輕，個吸塵頭又夠滑，好慳力，正機一部，啱晒攞嚟對付我隻甩毛豬！
等我介紹吓呢部DC26嘅特點啦，Dyson氣旋以高速旋轉空氣， 高速的離心力將灰塵及垃圾甩出氣流外， 並將垃圾蒐集在集塵筒中，而非卡在集塵袋或是濾網上。而且機身夠細，輕巧嘅機身可放入A4紙盒，夠晒慳位！
佢嘅功能唔詳細講啦，有興趣嘅朋友可以去以下嘅網頁睇吓：http://www.dyson.tw/store/product.asp?product=DC26-THCOMPLETE
安裝好容易，三兩下手勢就搞掂！
佢個樣真係好靚呀！
DC26嘅用法介紹：
唯一美中不足嘅就係無蒸汽囉～～～
乜都好啦.....係要洗啫 .....what interests me 係你先前嗰部乜吸塵機, 可以用到差唔多６年咁勁嘅!?
回覆刪除[版主回覆02/22/2010 13:57:00]呢部嘢算方便架啦，個"製"就可以清垃圾，個filter都係一個月洗一次！
先前嗰部係OSIM識噴蒸汽嗰隻model，好好用，不過而家唔出啦，吸塵拖地一次搞掂，重出埋蒸汽消毒埋個地，養寵物嘅屋企用一流呀！不過咁好又點吖，唔出啦！
恭喜毛媽有新玩具 我蘇蘇都勁甩毛呀呢排，要落街同佢梳，直頭用手同佢掃，揚到成街都毛 想問問你個蛇餅去邊買呀？幾錢個呀？
回覆刪除[版主回覆02/22/2010 14:10:00]呢件玩具係要嚟對付毛毛架 ，我唔要成日俾人問”你幾耐無吸塵呀？”
我喺犬工房買架 http://www.dogroom.hk/ ，佢唔同花唔size係唔同價錢架，毛毛用４号，紅色HK$280，豹紋HK$300.
另外要注意八哥頸肥，毛毛４号其實細少少，不過５号佢個蛇餅會拖地，所以我買咗４号返屋企改裝，首先要拆開個內圈少少位，然後攞走入面部分棉花，再縫返埋佢，咁就fit晒啦！
個樣好型咁喎，有D似Transformer
回覆刪除[版主回覆02/25/2010 14:02:00]唔用得都睇得吖麻！
毛媽, 莫非你做左呢個吸塵機既代言人!
回覆刪除[版主回覆02/25/2010 14:03:00]我都想，平平哋收佢一世任用佢ｄ樹算啦！
E部都幾好wor, 不過無得steam就要做多一樣工作, 抺地.
回覆刪除[版主回覆02/25/2010 14:04:00]所以而家揾緊ｄ好用嘅地拖，有無好介紹呀？
真係好細部喎..成架遙控車咁..毛毛鐘唔鐘意新玩具呀
回覆刪除[版主回覆02/25/2010 14:06:00]毛毛：呢ｄ要做嘅嘢留返媽咪鐘意啦，我鐘意食多ｄ！
請問清理個塵盒容易嗎?
回覆刪除可唔可以吸埋床褥?
[版主回覆02/27/2010 01:07:00]好容易呀，單手都搞得掂！
當然可以啦，不過跟機個吸頭就細ｄ，可以另外配個大嘅就會吸得快ｄ～～～
超正 香港邊度有得買?
回覆刪除[版主回覆02/27/2010 01:08:00]我係沙田嘅一田百貨買～～～
我都係用呢隻牌子既吸塵機架
回覆刪除[版主回覆03/03/2010 19:28:00]好好用呀！
(Empty)
回覆刪除我都想買呢部野好耐啦!之前睇過講dyson的commnets,全部都好好咁
回覆刪除不過屋企而家有三部吸塵机,我想買部手提dyson放係天台
我部osim都擺埋左一邊, 因為太重,無用好耐啦
[版主回覆03/03/2010 19:32:00]好用呀，吸力勁又輕身！
osim嗰部都好好用喎，我係用到就嚟壞先買呢部咋，用吓佢啦，部osim咁正，唔好晒啦！
我諗住呢幾日帶佢返屋企 但有D野想先請教下毛媽 睇資料DC26吸力好似弱過之前部DC22,實際上會唔會弱過你以前部OSIM呢?應唔應付倒2隻狗狗?DC26容量又細左,洗唔洗吸一次地倒幾次塵呢? 同埋我上dyson hk官網睇好似見唔倒有DC26 唔知有冇保養呢?
回覆刪除[版主回覆03/05/2010 16:55:00]DC26吸力係弱過之前部DC22，但我就覺得已經好夠用，佢勁過我以前部OSIM好多，不過呢部無大細吸力選擇，而我見台灣版可以係個把手度較大細吸力～～～
我吸晒成間屋都唔滿呀，我都係吸一次倒一次，DC26有５年保養架！
另外一田card有95折，唔記得咩又有95折，最後９折買到啦！
你唔講我都唔覺, 香港呢隻model應該係同英國果隻一樣,而台灣果隻就係跟日本版既設計 但把手下面果個圈圈唔係可以較大細吸力既咩?定係開關黎? 因為英國果隻好似係靠個圈較吸力的
回覆刪除[版主回覆03/08/2010 13:50:00]把手下面果個圈圈唔係較大細吸力架，係用嚟吸地毯時開個氣門用，咁個吸頭就唔會吸實張地毯唔放啦！
你買咗未？
今日終於買左,真係唔錯, 吸力夠哂強 而且好輕身,岩哂我吸樓梯用 仲有佢真係好鬼死型,用完都唔捨得收返埋佢 最衰香港冇日本果隻版本賣, 雖然仲會貴D同得2年保 但始終手抦有個開關會方便D 而且佢個吸頭好似好少少
回覆刪除[版主回覆03/11/2010 14:09:00]你終於帶咗個靚仔返屋企啦！ 恭喜！恭喜！
吸頭可以配架，遲ｄ都想配ｄ頭用吓，不過而家要用多ｄ，睇吓應該要配咩頭先最好～～～
請問, 如果dyson dc26同osim, 你會choose邊部?
回覆刪除最初想買dyson dc26, 貪佢細細部,
但因為我看到網上有得買二手osim, 仲有得steam, 幾好, 價錢仲係dyson的一半。
So, 而家唔知買邊部好.......><可唔可以比下comment, thx! (我有鼻敏感, 但唔嚴重, 屋企好多塵, 無養動物)
[版主回覆10/18/2010 00:25:00]如果dyson dc26同osim新機，我諗我會揀osim，因為佢個蒸氣好好用，我用嚟蒸個地下又可以消毒，又唔使用化學嘢夫拖地，對人同狗都健康ｄ！
但如果買二手osim就要小心ｄ，呢部機係好好用，不過清潔比較麻煩，如果上一手用得唔好，驚會污漕，之前我用佢每次都會全部parts都洗晒，包括所有喉，因為有蒸氣，所以ｄ塵會一舊舊痴喺ｄ喉度，唔洗乾淨會臭！
謝謝你比的意見，我會好好考慮。
回覆刪除咁樣你用dyson的時候有無洗佢d喉管呢？同埋如果係新機的話，dyson同osim兩部的吸力其實係咪差唔多?
[版主回覆10/19/2010 01:10:00]dyson d 喉管唔使成日洗，因為佢吸力夠又無蒸氣，d 喉管基本上唔污漕，我都係諗住一年洗一次！
新機計dyson會吸力勁ｄ，不過而家osim最新出嗰架就唔知啦！
另外最近朋友介紹咗隻德國吸塵機，好似幾好咁，不過我未用過，而朋友都係想訂返嚟試，你睇吓啱唔啱用啦～～～
H2O vaccum cleaner www.thane.com
Hello,
回覆刪除i am searching for a vaccum cleaner on the internet and now making decision betweeen Dyson DC22 and DC26.
May I know if DC26 MUST be stored with the pipe upright? Can the machine be stored with the pipe wrapped around?
Can you help me by measuring the height of the machine with the pipe being held upright? I cannot find this information on the official site. Your help will be greatly appreciated.
thanks and have a nice day.
[版主回覆12/06/2010 02:02:00]DC26 MUST be stored with the pipe upright?
係架，除非你拆咗條喉，分開嚟收啦～
Can the machine be stored with the pipe wrapped around?
唔得架，除非你拆咗條喉，分開嚟收啦～
Can you help me by measuring the height of the machine with the pipe being held upright?
92cm
結果我買咗DC36. 吸完張床褥, 好多粉, 嚇死.
回覆刪除[版主回覆12/15/2012 16:59:04]我第一次吸又係嚇死...不過而家懶吸少咗床褥