呢排天氣涼咗，我屋企嗰兩隻怕熱鬼，近排都勤力咗帶埋我一齊出去食飯，星期五晚去個新嘅地方，就係科技園啦，呢度好近我哋屋企，揸車過去１０分鐘就ｏｋ啦，而且呢度消費HK$100就可以免費泊車４小時，好抵！
呢度環境好靚，而且好清靜，一班人嚟傾吓計同hea吓就最啱啦，而且室外ｄ枱都係喺條人造河邊，幾好feel架！
不過夜晚淨係得一間泰菜開，另外嗰幾間餐廳都係開到下午5:00咋！
不過唔緊要啦，邊間都一樣啫，我都係有得睇無得食架啦！
什錦拼盤HK$62.00，好味！
蒜蓉炒通菜HK$52.00＋泰式雞肉炒河粉HK$55.00，味道ｏｋ！
清水一罐HK$0.00
食飽飯更係要去消吓脂啦，呢度周圍都好少人，四圍行吓真係好舒服，呢條海濱長廊好靚架，我哋入去之前都周圍睇過晒，無話唔俾狗入，淨係話唔准釣魚啫，咁我哋就鬼屎咁開心係度玩咗一輪，仲行咗大半條海濱長廊，點知行到近大埔嗰邊嘅入口，就發展咗一個唔准狗入嘅牌，有無攪錯呀，又唔俾我入，嗰牌仲要放到咁遠，係咪驚我好媽咪睇到鬧鬼你哋呀！呢度人影都唔等多隻，俾我係度玩吓有咩問題呀，你個屎人香港政府，稅又識得收我Daddy同媽咪嘅，我就一ｄ福利都無！
後面ｄ燈燈就係我哋屋企馬鞍山啦！
呢度真係好好行架！
以後真係無得嚟啦媽咪？
唓, 唔去巴就, 下次去第二度啫.
回覆刪除[版主回覆11/16/2008 22:18:00]咪係，下次不如去BBG度玩吖！
呢度真係好靚, 好浪漫喎 ...........毛毛冇得嚟, 不過Ba Ma就可以嚟拍拖啦
回覆刪除[版主回覆11/17/2008 22:18:00]其實食飯嘅餐廳同周圍好多地方都俾狗狗行架，淨係條海濱長廊唔准狗狗入咋，下次去唔行去海濱長廊囉！
食嘢個環境好靚, 等我揾日都帶miu miu 去先~
回覆刪除換轉係我就話之佢吖, 反正夜mama, 又冇乜人, 一於比隻狗照行可也, 最多見到食蕉時抱番起佢咪得囉~
[版主回覆11/17/2008 22:35:00]
其實食飯嘅餐廳同周圍好多地方都俾狗狗行架，淨係條海濱長廊唔准狗狗入咋，下次去唔行去海濱長廊囉！嗰晚都無見過食蕉，都無俾人趕，不過見到個唔准狗入嘅牌唔高興囉！
個 view 巧正呀
回覆刪除[版主回覆11/17/2008 22:39:00]幾好架，你咁近去試吓啦！
推住b車應該無人話的, 馬莎坐住b車入尖沙嘴海濱長廊好多security見到, 都無話我地呀. 不過馬莎就無得落地, 但也可以看風景的. 科技園我地打過電話去問,佢地話唔可以畀狗入, 原來入得架? 我地都想和馬莎去食嘢和hea下.....
回覆刪除[版主回覆11/17/2008 22:45:00]其實毛毛好多時都係架車度架，不過有得落地玩就梗係開心ｄ啦！我行咗好多地方都唔見有唔俾狗入嘅告示，淨係喺條海濱長廊度先有咋，所以我諗其他地方應該可以啩！
哇..環境好正咁喎... 如果可以帶埋狗地就好啦！
回覆刪除[版主回覆11/17/2008 22:47:00]我行咗好多地方都唔見有唔俾狗入嘅告示，淨係喺條海濱長廊度先有咋，所以我諗其他地方應該可以帶埋狗地去啩！
嘩，正喎！不過細Mo註定去唔到啦
回覆刪除[版主回覆11/17/2008 22:48:00]去食飯唔行佢條海濱長廊咪得囉！
香港政府係咁架啦, 度度都唔比狗狗入!
回覆刪除[版主回覆11/20/2008 21:50:00]都唔知ｄ狗狗得罪咗佢ｄセ，吓吓都針對ｄ狗狗！
wahaha! 毛豬豬又有好介紹, 等閒又去試吓先得
回覆刪除[版主回覆11/20/2008 21:55:00]你咁近一定要去試啦！
地方唔錯Wor! 真係好介紹喇!
回覆刪除我好認同毛毛衣句說話 ~~[你個屎人香港政府，稅又識得收我Daddy同媽咪嘅，我就一ｄ福利都無！] 超有道理.
Alice
[版主回覆11/20/2008 22:00:00]咪係囉，我見親唔俾狗入嘅牌就會鬧個屎人香港政府架啦！
好介紹喎...等金菇都去留吓影先...tks!
回覆刪除[版主回覆11/20/2008 22:27:00]你仲近過我同歡歡要去多幾次啦！
毛毛, 我好認同你 嘅講法, 我地Dadi Mami 立嘅稅都唔少, 但我地都 唔見得享受過 咩設施福利!! 簡直豈有此理 ~~
回覆刪除[版主回覆12/03/2008 23:20:00]咪就係囉，有義務，無權利，真係豈有此理呀！
我地昨天去咗科學園呀, 多謝好介紹
回覆刪除[版主回覆12/07/2008 22:32:00]唔使客氣，你ｄ相影得好靚呀！