2011-12-10 新娘潭+彭福

上個星期日先燒完嘢食，因為Ｄ食品同天氣都太正啦，星期六又再嚟燒過，今次買咗日本蕃薯！


毛毛：我準備好啦，幾時行得架！

今次我哋都係去返上次個埸，不過今次多咗個靚仔"Frank Frank豬＂同我哋一齊燒！一去到影張大合照先！

班小朋友一聞到嘢食香，全部轉晒方向！

今次５大３細，都係帶到一枱都係嘅食物，仲有新鮮打嘅果汁！

又要食，又要睇住Ｄ小朋友，當然要用懶人方法燒啦！

毛毛等食個樣縛咁唔耐煩，你學吓蘇蘇啦！

今次無淨係掛住食，有影Ｄ食物啦！


毛毛：媽咪得未呀，我條頸已經好長啦！

黑椒牛仔粒，好好味呀，不過小朋友嗰兩包脆肉鯇仲香，引到Ｄ小朋友癲晒！

上下兩層一齊燒，你哋真係肚餓成咁咩？哈哈...


蘇蘇：邊個篤我個頭？

小朋友Ｄ魚魚出爐啦！


Frank豬：快手Ｄ啦媽咪，我等唔切啦！

毛毛唔俾落地，唯有喺車車度等～

最好味嘅大菇出場啦，乜都唔加都好好好好味！

今日有人生日，有蛋糕食，仲有腐竹白果糖水，真係超級豐富嘅一餐！

燒完嘢食見早早哋，再同Ｄ小朋友去彭福走一轉！


一個開心愉快嘅週末！

今日仲有聖誕禮物收，多謝Frank媽！

2011-12-04 大尾督

呢個12月，毛毛幾乎個個星期六日都有節目，天氣咁好，一定要出動啦！

晨咁早就約埋蘇蘇去燒嘢食，咁舒服燒嘢食嘅日子，一年無幾多日架咋～

四大兩細，但係帶咗一枱食物！


毛毛：你哋有無預埋我哋Ｄ嘢食架？

懶人燒嘢食方法～


對住個無敵湖景，真係食咩都開心Ｄ呀！

呢Ｄ牛油燒大蘑菇真係好食到呢...每人有兩隻都唔夠喉呀！

今次Ｄ食物真係無得頂，連日本燒雞串都有，仲有美味牛仔骨同好多丸丸都唔記得影，實在太豐富啦！




毛毛：夠啦，夠啦，幾時先燒到我同蘇蘇Ｄ魚魚呀！

毛毛：媽媽你係咪開工啦？


毛毛：蘇蘇唔好瞓住，我聞到魚味，應該就有得食啦，真係等到我頸都長埋！

蘇蘇：魚魚未燒好，俾串雞嚟頂吓肚先啦，唔係我俾音波功你嘆架！


蘇蘇：e...我聞到魚香啦！


蘇蘇：阿四係咪有魚食啦，快Ｄ俾我！



蘇蘇：食飽有Ｄ眼瞓，等我眠一眠先！


毛毛食飽飽，曬住太陽，吹住海風，瞓得好舒服！

毛毛：邊個又偷影我呀...


燒完嘢食，仲有我最鍾意嘅魔鬼甜品，正呀！

今日Ｄ食物真係回味無窮，而且我哋仲食晒所有帶嚟嘅食物，都係第一次燒嘢食唔洗帶嘢走，好想快Ｄ再燒呀！