今年提早收爐，見有平package就同毛爸去曼谷走一轉，今日下午４點機，機場開咗毛爸最愛嘅茶餐廳”翠華”，當然要去幫嚫吓啦～～～
食飽飯諗住買杯咖啡上機慢慢嘆，我要熱咖啡，點知Starbucks沖錯咗凍嘅，最後佢沖過杯熱嘅俾我，仲送埋杯凍嘅，買一送一，益咗毛爸！
本來四點起飛，最後遲咗成個鍾先走得！
黃昏時分到曼谷，個天好靚呀！
今次好奇怪，同一時間好多班機降落，Immigration 1迫到爆，條龍長到嚇ｃ人，排一個鐘都唔知過唔過到Immigration呀，咁我哋拿拿聲行去Immigration 3......噢！簡直係兩個世界，十分鐘唔使就過咗啦！大家以後記住啦，曼谷機場有3個Immigration，1同3我哋都可以用，而２就係俾有quick pass同機組人員用嘅！
跟住就去攞行李啦，好奇怪我點解連攞行李都要寫呢？就係因為見到下面呢幅相嘅奇景囉！ｄ人全部喺Immigration度排緊隊，邊有人攞行李啫，條行李帶多行李到要停咗等人攞緊ｄ先再開返！好在我哋件行李都算早出，攞咗就走人啦！
８點先到酒店，本來打算去同四面神請個安先去食飯，因為太夜都要改聽朝先去啦，晚餐喺酒店食～～～
Check-in 時嘅welcome drink～～～
今次我哋揀咗住Banyan Tree，今次第三次住，第一次住係佢新開無耐，感覺好大好靚，第二次住係喺2003年，已經感覺有ｄ舊，佢2009年裝修過，所以我再次揀返佢，裝修後仍然保留返佢原先我休閒度假嘅感覺，不過ｄ地方全部返新晒，唔錯呀！
不過洗手間仍然用麻石就老士咗少少～～～
因為夜啦，我哋放抵行李就上咗酒店61樓嘅Vertigo 食飯，其實早兩次我哋都想嚟呢度試吓架啦，不過佢之前係食泰菜，我同毛爸都唔食得辣，所以上兩次都放棄咗，佢而家轉咗食西餐，咁就要去試吓啦！
上面景觀真係一流呀，氣氛都好正架！如果拍拖時嚟真係冧ｃ呀
就係因為好氣氛，所以menu要用電筒照先睇到架！
今日我哋叫咗４個course嘅晚餐，一份跟酒，一份唔跟！
所有食物味道都真係好一般啦，D錢大部份喺俾咗呢個景囉～～～
呢度仲有個moon bar，好多鬼喺度飲酒傾計～～～
望多兩眼先走，因為真係好靚！
食飽仲有張相送俾你留念架！
我係一個幾鍾意係飛機度買嘢嘅人，今程機嘅收穫！
隻女不知幾想落去玩呀！
