又有禮物收

尼幾日見悶悶地就去咗嫲嫲屋企住幾日,今晚mama就接返我同我去咗西貢日本姐姐度沖涼,洗完白白返到屋企發現有兩件新玩具等緊我喎!原來daddy同mama靜靜雞去咗麗豪揾kim哥哥同小j姐姐唔帶我去喎!

kim哥哥同小j姐姐仲買咗D玩具送比我同小吉添,我哋份禮物係一樣架!

你睇吓幾得意!

mama快d帶我去親自多謝kim哥哥同小j姐姐啦!

小吉你嗰份星期六帶比你啦,放心我唔會偷玩你d玩具架,最多都係咬兩啖咋!

 

影完未呀?快d開比我玩啦!

曖毯

尼排都唔知點解咁涷,攪到我郁都唔想郁,不過尼幾日又好似好d喎!

我開始有返d心機玩啦!

嘻嘻!!共實係mama買咗張暖毯俾我,而家係屋企唔使著衫啦!不過我而家嗰活動地方就細咗,食同玩都淨係張暖毯度!

冬眠的毛毛(懶)蟲

近排天氣好凍,我凍到郁都唔想郁,每日都係咁嘅樣,終於俾papa同mama 笑我由毛毛進化成一條毛毛(懶)蟲!仲話我年紀大添,人地4歲幾咋麻!

有人入侵我間屋!

我個懶鬼mama話去完旅行返嚟要休息吓喎,一休就兩個禮拜,我d日誌變咗月誌啦!

mama成個12月先返得嗰6日工,佢成日話12月份糧好抵出喎!

其實尼個12月我真係好攰呀!mama一唔使返工就帶我去玩,話補返先幾個月唔得閒無

帶我出去玩d quota 喎!真係攰屎狗啦, mama我原諒你啦,你都放過我啦,俾我好好地瞓一

日啦!mama今日開工啦,佢噚晚仲買咗隻藍色怪獸返嚟話陪我瞓喎,古古怪怪咁!

 

就係佢啦!

等我睇清楚吓佢先!

再試吓瞓先!

 

都真係幾好喎,就收留你啦!

媽媽的感受

2007年對我來說絕對是一個豐收年,從一月和朋友一起到伊豆旅行,

發現日本有很多狗狗遊玩設施後而引申帶小毛毛到日本玩的念頭開始,

一直到現在已經夢境成真,大概十個月,從未試過這麼的積極和努力!

這次的旅遊經歷是我最難忘和開心的一次,每天可以24小時抱住小毛毛,

真的很開心和滿足!其實小狗的生命真的很短暫,

我希望小毛毛生命裡全部的時間是和我們開心的一起過!!

很感謝小吉一家對我的信任,毛pa對我的支持,希望很快可以再帶小毛毛去旅行!

狗狗伊豆探秋之旅-旅程篇（七)

第七天 (11/12/2007) 

 

早餐後可以係酒店玩一陣,然後就要收拾好行李和心情準備返香港啦!

 

你睇個dog run 幾靚!

 

哎呀!跳唔過添，擺個post影張相算啦!

 

我同吉吉英唔英呀!

 

喂吉吉今日要返香港,我好唔捨得呀,你呢?

 

食埋早餐就要出機場啦!

 

有人遺棄小狗呀!!!

 

唏!又要飛啦!!

 

我坐牲口艙,daddy同mama坐經濟艙,而我架車車就係坐 B class 返嚟架!

 

今次嘅戰利品!!

 

返到香港瞓咗3日3夜先補得返呀!

 

 

狗狗夢幻伊豆探秋之旅亦都圓滿結束啦!