2007年11月18日 星期日
狗狗伊豆探秋之旅-準備篇(5)
合佢地幾個大人嘅力,我同小吉嗰"狗狗伊豆探秋之旅"好快就可以實現啦!
mama仲話我地個"狗狗伊豆探秋之旅"嘅行程已經絕密曝光咗啦!
真係興奮啦!
我而家已經係到倒數緊啦!仲有16日我地就出發啦!!!
呢件就係mama織俾我去伊豆著嘅衫衫啦! 我個老友兼團友都有一件,到時我地可以著姊妹妝啦!另外小吉媽ee 仲送咗條牛仔裙俾我嚫呢件衫衫潻!你睇,我靚唔靚呀?
2007年11月17日 星期六
我唔食得架,你玩波波啦!
正式嘅意大利燭光晚餐!
噚晚我地一行5人2狗(除咗我同小吉個豆咪之外,仲有小吉家姐)去酒店食燭光晚餐慶
祝我地嘅夢幻之旅嘅準備功夫已經大功告成!點知mama一去到就拆人地張檯囉,明明
話幫小j姐姐睇實個招牌唔俾人拆,點知自己就去拆人地張檯!噚晚小j姐姐已經好忙,
仲要拿拿臨出嚟幫我地換過張檯,連阿florey哥哥都要出嚟幫手添呀,mama你以後再係
咁樣,我就唔帶你出嚟架啦!
我地食咗D乜?去我老友個Blog度睇吓, http://hk.rd.yahoo.com/blog/mod/art_title/*http://hk.myblog.yahoo.com/siu-gut/article?mid=1164
我都知mama懶架啦,唔會幫我寫,好在阿小吉媽咪唔懶啫!
噚晚我地食咗一餐正式嘅意大利燭光晚餐,因為我地係由7點幾食到10點幾,好似D意
大利人咁要食足3粒鍾!
2007年11月12日 星期一
狗狗伊豆探秋之旅-準備篇(4)
今朝一早媽媽返到公司第一時間就係開email睇吓日本嗰邊有無覆佢貨運機位嘅問
題,一打開個email見到有回音喎,即刻開心到彈起,
點知人地係對我地嘅order有
問題,要mama再打俾漁農處同國泰貨運嗰邊查清楚付貨單同提貨單嘅問題,mama
就好緊張咁週圍打電話,最後都係有驚無險咁攪掂咗,大約係下午3點幾,mama已經
收到香港國泰貨運打電話嚟同佢confirm我同小吉係日本返香港嘅機位啦!嗰個哥
哥仲好好人咁教咗mama一次回香港接返我地嘅程序,唔知佢係咪知我mama無記
性,仲留抵咗2個電話俾mama話有咩唔清楚可以隨時打俾佢地問吓,仲係24小時服
務潻架!
mama收咗線之後,個口就有成十分鍾合唔埋!!
就係好似呢個公仔咁,要過一段時間先冷靜到!
都唔怪得佢嘅,因為呢個係最難攪嘅一關!!
噚日我地返婆婆屋企食飯,東東舅父問起我地幾時去日本同幾時返,媽媽話咗俾佢聽,
順便問吓D提貨嘅程序,因為東舅父以前成日都要去機場提貨架,而家就少D,點知東
舅父話我地返嚟嗰日會去機場接D大人,順便車佢地去貨運站,幫佢地攪提貨D嘢,等
佢地可以快D接返我地兩隻小鬼喎!媽媽知道東舅父好忙,所以就無叫佢接我地,
不過東舅父話唔緊要喎,夜晚會好D無咁忙!
可以同老細講早D走都無問題!媽媽話
東舅父自細都好錫佢架啦,估唔到而家錫埋我喎!!
東舅父我會提媽媽買返份大手
信俾你,舅母同我兩個表妹仔架啦!!
媽媽話聽日再向日本政府申請辦理埋我同小吉由日本返香港嘅出口批文,手續就攪
得差唔多啦!剩底嘅就只有出發前健康証明咋!一定要好好慶祝吓啦!!
訂閱：
文章 (Atom)