唔經唔覺已經住咗喺呢個屋苑6年幾，喺呢度亦認識咗唔少愛狗嘅朋友，當初搬入嚟時嘅小朋友而家都變咗老朋友啦！今日我哋為超過十歲嘅狗狗攪咗個耆英生日會，希望３個主角個個都健健康康同開開心心！
我哋一行19人13狗去咗荃彎食私房菜～～～
子睿一嚟到就攬住爸爸瞓咗，唔知係咪之前玩得太攰呢？
主角未到前我哋要佈置好場地先～～～
兩位主角，星星同白依～～～
第三位主角福福～～～
今日我係粒珠訂咗兩個蛋糕，小朋友開餐先～～～
呢個狗狗蛋糕影相時真係引到ｄ小朋友發晒癲，個個圍住張枱唔走呀！
真係有相為証架！(歡媽攝）
帶咗相機，唔記得帶後備電，所以得咁少相，真失策呀！
蟶子凍食，好味，仲好特別～～～
越式素菜卷
越式春卷
香茅吊燒雲英鵝
老板娘煎蝦
牛油田雞腿
紫蘇干扁四季豆
竹筒蜆港炒飯
仲有一個”酸窩蟹湯”唔記得影～～～
最後到甜品啦，有多奶紫米露～～～
同喺粒珠訂嘅栗子奶油蛋糕，呢個蛋糕好好食，食完個個問我係邊度訂，唔使問啦，俾埋website你哋慢慢睇啦，要訂記得要預早ｄ呀，而家多人知咗，粒珠好多訂單，訂唔到無得食就唔好怪我無提你哋啦！
最後影埋張大合照，今次嘅活動就圓滿結束啦～～～
一個天朗氣清嘅星期日，心情都真係特別好，因為噚日落星期六落雨，本來約咗嘅雜誌訪問就改咗今日，呢次訪問已經約咗好耐，因為之前我哋忙住攪去日本旅行ｄ手續，一直都無時間，真係要等到返咗嚟先約到，真係唔好意思......
今日中午約咗班朋友食Brunch，所以個訪問約咗一早呀，早ｄ都好架，彭福無乜人，影相好方便，好似包咗場咁～～～
影完相就揾個地方講吓我哋去旅行ｄ細節同手續啦～～～
毛毛：媽咪你仲要講幾耐架，我約咗ｄ朋友食Brunch喎！
呢個毛毛，成日行嚟行去睇吓我哋做乜嘢～～～
11點３順利完成，跟住去會合ｄ朋友仔食飯啦～～～
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
去到ｄ朋友仔已經到晒啦，坐好就拿拿臨攞嘢食啦，因為掛住傾ｄ旅行經，好多食物都唔記得影相，我哋唔止食咗咁少嘢架～～～
老乒＆Spicy～～～
Bowie & Ginny
紅豆，佢都係啱啱去完日本返嚟～～～
小吉（左）＆豆豆（右）
毛毛第一次見豆豆，好似唔知點算好！
不過豆豆就好乖乖眼定定咁望住毛毛呀！
食吓傾吓咁又一個下午啦～～～
麗豪意廊真係好過帝都1+1好多，食物好，人好，環境好，呢ｄ先係我哋要嘅地方吖麻～
今日放工收到一個大包裹，好奇怪，最近都無訂嘢吖，點解有嘢收呢？返到屋企急不及待即拆啦........
嘩！原來係蕃茄送俾毛毛嘅禮物，一大盒龜龜呀，ｄ龜龜仲好靚架，有男仔，有女仔，而女仔仲有隻蝴蝶架...!!!真係好supprise呀～～～
毛毛：真係俾我架？係真唔係呀，小朋友唔呃得架喎！
毛毛：真係俾晒我就發達啦...........（係咪發緊夢呢????)
毛毛：唔知ｄ龜龜識唔識出聲嘅呢？
毛毛：好想要呀.............
最後毛毛終於夢想成真得到............................一隻咁多啦！
毛毛：我好似收到一大盒龜龜，點解得返一隻嘅，媽咪，你落我格呀？
毛毛：多謝晒你呀蕃茄
，我好好好鍾意ｄ龜龜呀，媽媽話會幫我收好，慢慢逐隻攞出嚟俾我玩喎！
