尋找毛毛的最愛

毛毛最愛嘅龜龜，已經大半年買唔到啦，豆豆媽噚日喺佢樓吓見到扭蛋機有就即刻通知我，今朝仲幫我扭咗20隻返嚟，真係好耐都唔該呀，毛毛今次有排玩啦！

毛毛：媽媽究竟幾時先玩得呀，我等咗好耐啦.................

毛毛：唔得啦，我支持唔住啦，俾個我玩啦唔該～～～

毛毛：不過我有選擇障礙架，媽咪唔該揀一隻俾我玩啦～

準備篇 - 毛籠再現

仲有個幾星期就出發，係時間俾個飛機籠毛毛習慣吓啦～～～

毛毛：媽咪，見到佢，係咪即係有旅行去呀？快ｄ開俾我啦！

呢個傻妹，一開個籠就自己走入去，毛毛真係好鐘意佢個籠架～～～

毛毛：我準備好啦，幾時出發呀？

橋咀煞科游

毛毛：國慶同我去邊處玩呀？

去游水好唔好？

８點幾喺MOS出發，去西貢食埋早餐就出發啦，第一次坐大船，梗係揀樓上坐啦，細mo第一個上船～～～

不過細mo唔夠膽行上去上層喎，帆帆你拉都無用架啦，落嚟抱個女啦！

細毛：狗哋真係唔敢吖麻，你班ee同uncle個個喺度笑狗哋！

知唔知咩食四個大人縱一個小朋友呀？

細mo你做咩唔跟屋企人坐呀？走咗去跟人哋嘅？

呢個coco爹到呢......  唔怪之水泡姐姐衰係佢手上啦～～～                

次次嚟橋咀都水漲，今次終於可以行過對面個島仔睇吓菠蘿石～

行完返沙灘游水啦～～～

小朋友游水，一定要有家長陪同架知唔知！

歡歡話佢游咗轉南中國海返嚟啦，唔該上岸啦papa！

歡pa你揾咩呀？  

有海星呀!!!!　　　　　

仲有海膽，食唔食得嘅呢？

CoCo同細毛就最合拍，游孖必！

一齊追水樽～～～　　　　　

不過細mo因為飲得太多海水，臨走時唔舒服，仲嘔咗ｄ水出嚟，慘慘呀～

午餐同班moli去咗食日本嘢，之後毛毛就去咗日本姐姐度沖涼，我同毛爸就去Starbucks度邊嘆咖啡邊等女囉～～～

沖乾淨涼嘅毛毛幾靚女～～～            

夜晚又約埋班moli去土瓜灣食打冷，呢間打冷又平又好食呀，我哋５個人叫咗８個餸食到pair pair full，埋單都係唔使4百蚊，不過食晒先記得全部餸都唔記得照相，佢哋話吉碟都影張喎！

潮汕美食-九龍紅磡庇利街9號地下(Tel : 2330 5322)

之後再去埋深水埗松記食糖水，今日一日５餐都係同班moli一齊食，仲要餐餐都飽到上心口，真係唔肥都幾難～～～