生日火鍋

今年生日無好似以前ｄ生日咁放抵毛毛兩公婆去食大餐，可能年紀大啦，好想可以同埋毛毛一齊食生日飯，於是我哋就去咗一間可以包房嘅火鍋店打邊爐，喱間係豆豆媽介紹架！

兩個人包咗間房，好舒服，又可以同毛毛一齊，正！

毛爸都好鍾意喱間火鍋店呀，其實我同毛毛都影咗好多相，不過好多都見到舖頭名，費事害人啦，所以你哋今次會見到毛爸多相過毛毛！

全家福當然唔少得啦，希望今年毛家上上下下都身體健康！

清明節 柴娃娃 人同狗 去長洲

一連5日假，梗要有ｄ集體活動啦，一班MOS街坊今次遠征長洲，今次12人6狗，租咗架29位小巴，個個唔使揸車又坐得舒服，爽呀！頭站由細mo屋企出發！

(Photo from 細mo blog)

一早我哋就齊人齊狗等車接～～～

毛毛：星星哥哥好高大威猛呀！

出發啦！

一上車嚟張大合照先！

(Photo from 細mo blog)

CoCo係一個好嗲嗲嘅小朋友，有相為証架！

毛毛一向都係一班小朋友裡面最唔行得耐嘅一個，今日要行一日，因為怕人多，又要上船落船麻煩，所以無帶車車，多得歡媽借咗條揹帶俾毛毛，好好用，毛毛好鍾意，佢唔使行，我又唔使抱得咁辛苦，等我得閒去買返條旁吓身先！

dub爸咩事咁開心呢？

上船再嚟一張大合照先～～～

(Photo from 細mo blog)

(photo from 星媽blog)

一上岸就整張團體相先!(Photo from 星媽blog)

小狗大合照，不過兩隻細嘅唔多合作喎！

(Photo from 細mo blog)

呢個海灘我哋已經超過10年無嚟過啦，周圍都唔同晒！

毛毛：我都係第一次嚟咋，同媽咪影張相留念先！

三叉路口，行邊邊好呢？

毛毛：行呢邊啦，我同Daddy帶路！

回程時全部小朋友合照啦，今次有６狗１BB～～～　　　　(Photo from 細mo blog)

歡歡第一個偷走，毛毛就係第二個，小狗真係無大狗咁定！

WOW.....溫馨家庭照～～～

呢個毛毛行咗大半日都肯唔飲水，唯有出飲管餵，真激死！

你睇細mo幾乖，自己乖乖飲水架，學吓啦毛毛！

３點先食午餐，今次食海鮮，不過呢間餐廳麻麻，都好污漕吓，唔知有無人食咗返去肚痛呢？(Photo from 細mo blog)

無嘢做時就要灌個肥妹飲水，咁熱都唔飲水好易中暑架麻！(Photo from 細mo blog)

食飽飯，甜品一定唔少得啦！　　　　　　　            (Photo from 細mo blog)

食飽飽上船嘅後果係.....瞓瞓瞓......瞓瞓瞓.....      (Photo from 細mo blog)

瞓瞓瞓......瞓瞓瞓....                    (Photo from 細mo blog)        　　　　 

不過一上岸又精神晒喎! (photo form 星媽blog)

回程時我仲喺架旅遊車度切咗今年生日第一個蛋糕，亦都係第一次喺旅遊車度切蛋糕，好特別呀，MOS街坊我會記住你哋ｄ傑作嘅！

歡爸無論切蛋糕，食蛋糕同運蛋糕都咁拿手！

好好味嘅芝士蛋糕，多謝晒！

毛毛返到屋企已經攰到不支倒地，今晚我哋有覺好瞓啦！