狗狗道南賞櫻之旅-行程表Day3

狗狗道南賞櫻之旅-行程表Day2

狗狗道南賞櫻之旅-行程表Day1

終於忙完啦!!

由日本返咗嚟香港之後就一直忙到而家，今日可以話所有嘅嘢已經完成得八八九九啦!咁多年嚟，從未試過忙成咁，好似所有嘢都一次過發生晒，有好事，有唔好嘅事，亦有D未知係好定係唔好嘅事。不過，所有嘢都盡咗力啦，結果就順其自然啦!

其中一樣已經完成咗嘅工作，就係帶毛毛第二次出國，4月9日出發，今次我哋會去北海道，而且好開心有吉吉一家三口同我哋一齊去，今次又係4人2狗嘅小形旅行團!所有手續同行程已經安排好，真係希望4月9日早D到!

 

九龍灣狗展

噚日mama帶咗我去九龍灣狗展,唔知係咪我哋7點幾先去到,所以好似無咩嘢買咁,唔知係咪俾人揀晒呢?不過mama都算係咁啦,買唔到嘢俾我,都過去petmax買件餅我食!正!

又有禮物收

尼幾日見悶悶地就去咗嫲嫲屋企住幾日,今晚mama就接返我同我去咗西貢日本姐姐度沖涼,洗完白白返到屋企發現有兩件新玩具等緊我喎!原來daddy同mama靜靜雞去咗麗豪揾kim哥哥同小j姐姐唔帶我去喎!

kim哥哥同小j姐姐仲買咗D玩具送比我同小吉添,我哋份禮物係一樣架!

你睇吓幾得意!

mama快d帶我去親自多謝kim哥哥同小j姐姐啦!

小吉你嗰份星期六帶比你啦,放心我唔會偷玩你d玩具架,最多都係咬兩啖咋!

 

影完未呀?快d開比我玩啦!

曖毯

尼排都唔知點解咁涷,攪到我郁都唔想郁,不過尼幾日又好似好d喎!

我開始有返d心機玩啦!

嘻嘻!!共實係mama買咗張暖毯俾我,而家係屋企唔使著衫啦!不過我而家嗰活動地方就細咗,食同玩都淨係張暖毯度!