Dinner@Regal Riverside

今晚又出動去試吓部GF1影夜晚嘅功力，地點又係麗豪囉

完全唔使開閃光燈，d相夠晒自然，正！

Kim哥哥次次都寵毛毛，話小朋友要兩張櫈舒服ｄ喎！

是日晚餐頭盤：煎帶子

＆煎鴨肝伴蜜餞蘋果配砵酒汁

蟹肉鮮蝦濃湯

自加菜：AOP意粉

主菜：龍蝦伴和牛

甜品當然係意式芝士蛋糕

再加一杯即磨香濃咖啡

Sunday brunch@Regal Riverside

前排比較忙，去少咗麗豪，今朝起身同毛爸一齊身痕痕，好想去食個Brunch，不過屋企有三個小朋友喺度喎！諗咗一輪，都係帶兩個小朋友好啦，三個驚攪唔掂～～～

今日我哋帶咗Creamy一齊去，佢好開心，全程都好好笑容呀！

毛毛都好耐無出嚟曬吓ｄ毛啦，你睇佢幾enjoy～～～

嘩！無嚟咁耐，ｄ款式轉晒喎，唔使百五蚊一個人，淨係食喱碟都返本啦！

每次嚟都必食嘅AOP意粉，不過喱碟係要另外叫，Brunch唔包架～～～

我同毛爸都係牛魔王，主茱當然係揀牛牛啦！

甜品就係Tiramisu

毛毛：有得睇無得食，我唔睬你哋呀！

夜晚返咗毛嫲度食飯，不過今次淨係帶毛毛咋...

食飽飯返到屋企發現有小朋友作怪呀，Creamy偷晒成包骨骨食，好彩入面得三條，如果唔係Creamy媽返嚟實問我點解佢個女會肥咗咁多！

一返去時Creamy當無事發生架...

不過之後俾我發現佢偷嘢食，鬧咗佢幾句就攪成咁啦，唉！小朋友都係唔鬧得架.....

靚靚天氣，靚靚毛毛！

Daddy媽咪今日下午放假帶我去日本姐姐度沖涼扮靚靚，好好彩今日好好天，一定要早ｄ出去行吓啦！

媽咪:今日Sachi姐姐會幫你影相，可能會耐ｄ，你要乖乖呀，知唔知？

話咁快我就沖好涼，Sachi姐姐幫我整咗個好可愛嘅裝，媽咪見到時笑到停唔到口呀，笑咩啫，唔靚咩？

一個咁正嘅下午，媽咪當然唔會放過，又要我陪佢去嘆下午啡啦～～～

　　　　

媽咪你影相定飲咖啡架，我今日已經影咗好多相，好攰啦！

唔影啦，笑唔出啦，我要返屋企～～～

媽咪幾時返屋企呀？

都係屋企最舒服～～～

今日媽咪成機試佢件新玩具，暫時都未係好習慣，仲要ｄ時間學習同練習，希望佢遲ｄ可以影得我靚ｄ啦！