準備篇 - 踏出第一步

第一次帶毛毛去日本已經係兩年半前嘅事，時間唔經唔覺就過咗，仲過得好快添！其實一直都好想再帶毛毛去日本，本來已經決定今年再去，不過毛毛前排身體成日出現Ｄ小毛病令我都幾擔心，如果去旅行時出現咁點算呢？

反反覆覆咁諗咗好耐，今日唔知聽日事，順其自然啦，而家唔去老Ｄ好難再去（人同狗都係）！

今日我哋踏出第一步，去打針啦！

今次歡家會同我哋一齊去日本，當然係約埋一齊去打針啦，不過呢兩位小朋友好唔合作，你望鏡頭時我唔望，我望咩，你又唔望，想點呀小朋友，而家咁都OK，去到日本就唔好啦，知無！

兩位小朋友都好乖好叻，順利完成咗body check同打埋針！

毛毛：好快有得去日本玩啦！

歡歡：又有日本大餐食，正呀！

歡歡：媽咪，有個肥妹成日霸住個鏡頭呀！

Oisix - 日本空運食物

近日發身邊真係唔少魔鬼，下面ｄ貨唔又係有人介紹我訂嘅，你話唔返工點得呢！

Oisix提供空運日本食物到香港，詳情去呢度睇吓啦！

http://hk.oisix.com/

其實今次唔係訂咗好多嘢，不過送嚟時有兩大盒～～～

日本士多啤梨係今次訂貨嘅主力，訂咗５盒，新鮮就真係幾新鮮，不過唔夠喺日本食嗰ｄ甜！

其實個箱裝咗一半架咋～～～

拆完箱，其實得咁多嘢架咋！

有嘢食毛毛一定會出現啦！

媽咪仲要影幾耐先食得架！

我要做靚毛

今日去日本姐姐度沖涼，沖完姐姐送咗隻好靚靚嘅蝴蝶結俾我，仲將我當成份禮物咁送返俾媽媽，開心到媽咪呢！

等我做麻豆俾媽媽影返張相先！

媽媽我好似好有潛質做靚毛喎，我想做靚毛，得唔得呀？

媽媽：靚毛要識擺好多pose架喎，仲要係ｄ性感pose，你識唔識架？

咁呢個算唔算呀？

又要轉糧啦！

毛毛一向食開日本狗糧Batsugun，俾毛毛食呢隻糧嘅原因有幾個

1. 我唔相信祖國同美國佬嘅出品(人食嘅都咁多假嘢，何況狗食嘅！）

2. 對made in Japan嘅嘢比較有信心，呢隻糧所有原材料嘅產地都係日本，而且亦都係喺日本生產，不過Toyota單嘢之後，made in Japan呢個terms已經唔係品質嘅保證啦～～～

3. 毛毛食嘅狗糧我每一隻都試過，呢隻係我覺得味道最接近人類食物嘅狗糧，以前毛毛食ｄ狗糧，總係有ｄ化學品同味精嘅味道，呢隻就一ｄ都無～～～

4. 毛毛轉呢隻糧嘅時候，好多美國狗糧出現品質有問題！

5. 毛毛都好鍾意食！

就係總結以上種種原因，毛毛就轉咗食日本糧啦，真至到今次轉糧前，已經食咗接近２年！

毛毛轉咗糧之後，我覺得呢隻糧真係幾好，亦介紹過俾唔少狗朋友，最近介紹咗俾一位好細心嘅朋友，佢試完話返俾我知一個好得人驚嘅發現，就係狗糧袋裡面嘅乾燥粉，個袋原來好容易爛，ｄ粉會污染ｄ狗糧，佢打電話去零售商度換，終於換到第４包嗰包乾燥粉唔係爛得咁勁，ｄ粉無漏出嚟先可以收貨！

死啦，毛毛唔知食咗幾多添架，拿拿臨開屋企嘅存貨睇吓啦！

果然一樣，爛嘅！

D粉已經漏晒出嚟，毛毛，媽咪對你唔住呀！

而毛爸知道咗都好

，即時send e-mail 去佢日本廠投訴，但到今日已經超過２個星期都未有回覆，對日本人好失望呀！

喺發現咗漏粉呢件事之後，毛毛已經即時轉晒食HM，之前有朋友介紹過一隻生肉狗糧俾我，不過我見毛毛食得好地地就無轉，而家咁不如試吓啦！

Ziwipeak - 食材100%完全來自紐西蘭本土

http://www.ziwipeak.com/hkg/home.shtml

http://www.petdoghk.com/blog/ziwipeak-dog_food/#more-403

ZiwiPeak的優點（轉載自PetDogHK)：

1. 
   

   食材100%完全來自純淨的紐西蘭本土，ZiwiPeak擁有自己的農場，所有的鹿、牛、羊都是以自然放牧飼養，絕對比有機還要天然。

   
   
2. 
   

   比照自然原始的飲食；很明顯的，當狗在野外自行覓食的時候，以肉類為主的飲食他們是可以吸收的，適當的食物可以促進能量和良好的健康。

   
   
3. 
   

   使用溫和的自然風乾法製作，保留最原始的蛋白質、礦物質營養。

   
   
4. 
   

   提供寵物來自動物其他部位的營養，包括：心臟、肝臟、腎臟、胃部等。

   
   
5. 
   

   符合寵物的消化系統特點；他們的腸道較短，需要好消化的食物；特別需要優質蛋白質和脂肪，而不需要太多的碳水化合物。

   
   
6. 
   

   包含了營養價值極高的成分，例如紐西蘭的綠唇貝，從低溫萃取之綠唇貝精華(GLME)對關節有一定程度的保健及療效， 可以長期維持關節的健康；動物的內臟可以幫助消化系統的運作；而荷蘭芹有豐富的維他命和礦物質，同時可維持口氣清新。

   
   
7. 
   

   提供多樣的維他命，例如維他命D，這是寵物無法自體產生卻又必須要的營養素。

   
   
8. 
   

   不含任何防腐劑、人工添加物或穀類。

   
   
9. 
   

   完全符合美國AFFCO動物食品管理協會對於營養的標準

同平時ｄ狗糧好唔同，唔係一粒粒，而係一片片好似肉乾咁！仲有好香嘅牛肉乾味，我都好想食，不過諗起係生肉，唔敢呀！

今次揀咗鹿＋魚俾毛毛，佢係勁鍾意食，而家佢鍾意食狗糧多過零食呀！

等毛毛食一段時間再報告佢對呢隻糧嘅反應！

Nespresso 咖啡機 - 你愛咖啡嗎？

近排唔知咩事，對於敗家嘅玩具樣樣都想要，早排同毛爸行街時，唔覺意見到佢，停喺度睇咗兩眼，個sales姐姐第一時間沖咗杯俾我試吓啱唔啱飲～

噢！好好味呢～

個sales姐姐仲話俾我聽好方便用，又易洗，每一杯都係＄５，仲要有十幾隻咖啡味可以揀，喺屋企都可以飲到Starbucks質素嘅咖啡！馬鞍山無Starbucks， 每次毒癮發都要出新城市廣場先有得飲，有咗佢我咪喺屋企都有得飲囉！中晒我想要嘅嘢，好想要呀，呢ｄ嘢梗係各毛爸埋手啦～～～

最後佢成為咗我嘅情人節禮物，嘻嘻......多謝毛爸！

一返去就試飲啦，好正呀！右手邊個黑色杯係要嚟打奶泡架，仲要可以打凍同熱嘅奶泡都得，沖凍飲同熱飲都咁方便架～

呢ｄ就係我沖咖啡三寶啦！

一杯美味咖啡，唔使一分鐘就誕生啦～～～

奇遇

頭先去玩街返屋企時遇到一場大霧，幾分鐘時間就咩都睇唔到，好似拍恐怖片咁，但返到上屋企ｄ霧就散晒啦，好奇怪！

對面馬路嘅人都睇唔清呀！

我搬咗屋啦！

我搬咗屋啦，得閒多ｄ嚟探我啦！

新屋喺呢度!

http://blog.xuite.net/momowong/blog