愛上了

最近我愛上咗食Cheese cake,一食就停唔到口,仲有2盒就食晒啦!點算呀?

其實毛毛食緊嘅係我哋上次去北海道時買架,見到佢寫住獸醫師推獎就買D返嚟俾隻傻妹食啦,點知佢鍾意食到屎,我都好努力搵緊呀,通常日本有,香港好快就有, 希望快D到啦,到時再通大家邊度有得買啦!

 

夏天到啦~

天氣真係開始熱啦,我D咁怕熱嘅小朋友除咗游水水之外已經去唔到其他D室外地方玩啦!今日Daddy同媽咪見我咁悶悶不樂就帶咗我去PetMAX行咗轉,有冷氣,有玩具,仲有嘢食,室內活動都幾好吖!

畢業典禮

畢業啦!畢業啦!你睇吓我頂四方帽正唔正呀?不過我都無返過學,點解會畢到業嘅?                  

其實係我個好姊妹小吉畢業嘅大日子呀,而我就係被邀請嘅觀禮嘉賓之一啦,恭禧晒小吉妹妹!     

其實除咗我今日仲有好多狗狗嚟咗架!

小吉好叻叻,仲攞到獎添噃!

完咗畢業典禮後,我哋就一齊去咗元朗嘅泰屋食飯慶祝啦!8點幾先返到屋企,但係已經攰到唔郁得啦!

 

2008下水禮

天氣咁熱,所以Daddy同媽咪噚日帶咗我去行下水禮,仲見到小吉嘅教練姐姐噃,教練姐姐話見我D游水姿勢應該游得幾開心喎,有街街去梗係開心啦!

不過Daddy同媽咪話我要減肥,所以要我游10個直池呀!游到一半仲要話我游到好似番薯咁喎,真係激屎狗啦!狗哋已經好努力架啦!好彩有個姐姐同Daddy媽咪講,我咁細個已經算唔錯架啦!佢哋先放過我咋,個樣生得細都有D好處喎,我想同個姐姐講我已經5歲啦唔係BB嚟啦!

毛毛的禮物

今朝早Daddy同媽咪約咗朋友去麗豪酒店食Brunch,我一心諗住實有我份啦,點知佢哋話大人有嘢傾,今日唔帶我去喎!無辦法啦!咁我唯有乖乖地係屋企等啦!

唔知係個天知我乖定係D姨姨知我乖,媽咪食完飯帶咗好多禮物返嚟俾我!

有呢個用我個樣做嘅飾,似唔似我呀?

仲有紅梅骨仔餅同芝士條條添噃!

非常好味,好味到每樣都俾媽咪偷食咗一件呀!呢件死人都咬實,如果唔係實俾媽咪搶埋都得啦! 

多謝兩位姨姨D愛心餅餅,我好鍾意食呀!