2016 北海道＋加拿大滑雪+黃刀極光之旅 (Day 12 - 28 Mar 2016 Mon)

Lake Louise Ski Resort → Calgary

對住呢個景食早餐，真係咩都好食Ｄ～

今日出返去Calgary，準備明天了飛去黃刀睇極光～

Lake Louise Ski Resort → Calgary downtown 186km (2 hrs)

今日好大霧，好在唔影響開車~

喺我哋返Calgary嘅路上，見到每隔一段距離就會有條橋，
但呢Ｄ地方應該無人住架，點解會有咁多橋呢？
而且就算有人住，Ｄ人出門都係開車都唔行路嘅，
要橋嚟都無用啦！蝙蝠太話呢Ｄ唔係俾人行，
係俾動物行嘅橋嚟架，因為我哋係喺個國家公園裡面行緊，
其實周圍好多動物架，我張相唔係幾影到，
其實橋嘅兩邊都有鐵絲網圍住，以防Ｄ動物會跌落馬路，
加拿大人真係想得好周到，抵讚！

話咁快就到酒店，蝙蝠團友放抵我喺酒店checkin，

佢哋又返屋企放抵Ｄ行李～

陪我哋玩咗咁多日嘅車，差Ｄ唔記得影吓佢添～

呢間酒店好企理，地方寛敞，我房門口仲有位坐...XDDD

間房又大，張床又大，真係住４個人都得～

轉過頭蝙蝠團友就嚟接我哋去shopping，第一站係去買意大利陳醋，

真係多得Auntie蝙蝠幫我哋發掘呢Ｄ正嘢！

好多煮意大利餐嘅調味料呢度都有，

有N款醋，連松露油都有，好想買晒返去～

仲要樣樣都好可以試，不過試白松露油就唔敢咁飲囉～

Lunch去食掛咗好耐嘅牛肉河粉，又係蝙蝠團友嘅好介紹，非常好食！

加拿大買Ｄ保健藥品係非常平，最少平過香港一半，今日我要同佢搏命！

Centrum = 1/3香港價錢，買夠一年食嘅份量！

掃完Walmart，再去掃Costco!

見到都開心～

呢間真係超級大間，乜鬼都有得賣！

買一盒要飲幾耐呢...

唔洗一陣間就揀咗一大車，今年都唔洗幫嚫萬寧啦！

買完必需品就去買Ｄ無謂嘢，呢間都巴閉啦，

只係俾你睇個logo，咁都有人入去買架！

晚餐有人帶，梗係又去食好嘢！

蝙蝠Family，今次食玩買都係由佢哋照顧我哋，
真係多謝晒你哋照顧得咁周到，又搵咁多好嘢俾我哋，
Auntie要多Ｄ嚟香港玩呀！

每款肉我哋都叫咗Ｄ，share一齊食，又開心又好味！

溫泉蛋沙律啱晒我～

魚煎得好脆，肉仍然保持到好滑，抵讚！

又夠諗又入味！正！

甜品我覺得係呢度最差嘅一環，都無款啱我食嘅！

但其他人話好食囉....

今日掛住shopping都無認真行吓Calgary, 下次要預多少少時間先得～

好耐無試過買到要用行李車推上房...XDDD

我哋全家人嘅保健藥，早餐果仁，營養師介紹嘅零食，Lotion，

連去黃刀要食嘅生果都買齊晒！

呢隻營養師介紹嘅零食，真係好好味，一食真係停唔到手，

返到香港送咗Ｄ俾朋友，其他Ｄ唔洗一個月就食晒！

香港無得賣，而家要由美國訂咗集運返香港先有得食～

今晚要努力執嘢！

Wingate by Wyndham Calgary South
400 Midpark Way S.E., Calgary, Alberta, T2X 3S4
1-800-228-1000
http://www.wingatebywyndhamcalgary.com/