2014 東京+斑尾+野沢滑雪團Day 7 (10-1-2014 Fri)

繼續斑尾滑雪場

兩日野沢之後，今日又返嚟斑尾，今日終於有個晴天啦！

 

 

噚晚有繼續落雪，今朝真係唔認得佢...XDD

天氣好，真係sir得輕鬆好多！

 

Ｄ初級雪道斜成咁，真係唔知想點！

 

但sir到尾又好平路，有時我哋坐喺度sir好過，無咁嘥力...XDD

見無咁斜，有人身痕喺度跳，乜得咁高咋...XDD

 

我哋覺得酒店附近幾條雪道都唔好玩，決定坐吊車去山嘅另一面玩～

呢條係無壓雪嘅高級雪道，我哋都係睇吓啫，希望第日有機會喺度sir落去啦！

 

有高手表演我哋睇點樣落！

睇完行過Ｄ就係我哋玩嘅中級同初級雪道～

呢面個場啱我哋玩多Ｄ，又大又闊，斜度又啱，早知第一日就過嚟啦！

呢度Ｄ雪都幾深架！

搵到呢度好開心，喺度玩足一日都唔捨得走呀！

呢邊都有餐廳，不過水準都係一樣麻麻地囉～

天氣好，心情好，影咗好多相...XDD

 

對住個咁靚嘅景食lunch，真係爽爆！

 

麻麻地嘅午餐～

最後玩到差唔多三點就返反過去酒店嗰邊～

明天係呢度嘅火際，有工作人員已經開始準備啦～

 

４點幾返到酒店，見返個雪人啦...XDDD

 

浸埋溫泉就出去食飯，原先可以用酒店coupon嘅餐廳都book滿晒，

酒店好好幫我哋安排另一間遠少少嘅餐廳，餐廳有提供接送服務，咁我哋就去試吓啦！

 

呢度有好幾間餐廳，由酒店開車，幾分鐘就到，都好方便！

 

路上無街燈，但有煤油燈照明，好浪漫！

 

今日毛爸包咗間餐廳同我食飯...XDDD

信洲牛，好好味！呢度Ｄ嘢好食過酒店好多...

 

 

仲有真係燒柴嘅火爐～

呢個爐係燒蘋果木架，有個婆婆出嚟加木時見我哋咁好奇話我哋知～

屋外面Ｄ雪就嚟高過玻璃窗，呢度果然係大雪區！

兩個大食漬，唔洗一個鐘清晒枱...XDDD

今晚餐飯食得好開心，同店主一家談天說地，真係好warm，我哋最鍾意去呢Ｄ小店，臨走時，婆婆仲送咗三個大蘋果俾我哋，好感動呀！

 

一餐飯時間個雪人靚仔返晒啦喎...XDD