2014 東京+斑尾+野沢滑雪團Day 1 (4-1-2014 Sat)

香港→東京

今次我哋跟團呀，好耐無試過，今次參加咗東日辦嘅滑雪團，老實講我自己都幾抗拒跟團，

因為我唔鍾意去旅行都要我６點起身啦，咁辛苦不如返工好過！

但呢個團Ｄ行程好自由，喺雪場嗰幾日都係自由活動，成個團基本上都只係交通時間要集合喺一齊，

咁又幾好喎，有跟團嘅方便，又有自由行嘅無拘無束，真係抵佢團團爆！

但一出發就遇到有人遲到，仲係遲成半個鍾，成團人等佢一個，討厭！好在唔係成日要集合咋...

CX真係縮數諗盡，而家研究緊連行李都要個客自己磅，自己貼label同自己寄喎！

最後都順利過晒關，明知CX嘅餐超難食，當然要醫飽個肚先上機啦！

明知人哋趕時間去shopping，佢嚟delay喎，激Ｃ我，攪咩，樣樣都唔順架！

Ｂingo！果然難食，個雞飯有漂白水味架！

黃昏時間到達日本成田機場～

落機後坐旅遊車直往酒店，一放抵行李就出去shopping，得兩個鐘血拼咋！

晚餐book咗９點去六哥仙食，好在有book位...XDD

六哥仙保持水準，好好味！

雖然得兩個鍾買嘢，好在事先做好功課，要買嘅都買到！

用開呢個牌子嘅朋友去日本時記得入貨，而家円咁平，等如香港75折呀！

住宿東京新大谷酒店(JR 大崎站)