繼續斑尾滑雪場
有人天未光就起身...其實而經係７點幾，但仲係啱啱日出咁～
睇住個太陽慢慢出，好靚！
今日好好天，要努力練習！
窗口望出去真係好似畫出嚟咁！
餐廳對住個咁靚嘅景，真係唔洗食都飽啦...XDD
食完早餐拿拿聲出發，唔好浪費咗呢個大晴天！
呢個場Ｄ初級滑道，大部份都好斜吓，對於我哋呢Ｄ新手仲要有好多動作要練嘅比較吃力！
成日都出現呢Ｄ場面...XDD
努力咗一朝，食lunch啦！
再試拉麵...都係唔得，呢個雪場Ｄ嘢食真係唔掂！
還可以嘅香蕉蛋糕～
跟住返咗酒店嘆杯啡，同小休片刻先再出動，酒店近就有咁嘅好處～
下晝再挑戰另一條雪道，都係初級啫，都已經準備向下滑都未見到條雪道，好驚喎！
今日好挫敗，一Ｄ進步都無，仲好似覺得差過舊年，算！化悲憤為食量，我食食食食....
今晚食日餐，都係嗰句＂還可以啦＂
吖！ 你條友吖! 一係就唔出post，一出就一次過⋯⋯
回覆刪除呢輪得閒吖麻，依家刨緊你個blog，plan冰島行程呀！
刪除hehe~ 希望幫到你~
刪除幫到呀，刨咗成個星期，而家有Ｄ眉目，同你個行程差不多^^
刪除其實你身經百戰無問題啦~ 你都睇過我個blog la! 如唔係旺季，有部車真係唔使煩，週圍都住宿，真係唔怕!
刪除直頭唔好plan啦，隨意玩la~
我無你咁勁架！而且得毛爸一個揸車，希望開車時間唔好太長，所以要大概預吓每日要去到邊，頭尾同米湖酒店就已經book咗，其他就到時再執！上網睇d酒店都好full吓，有d有興趣嘅都見佢已經full咗，希望到時唔洗瞓車啦...XDD
刪除另外Litla-Hof你住過(收你現金價$12000-Kr)嗰間，我send email問佢價錢，佢收我60 € per person = 120 € for 2 persons for 1 night，仲係double room with share bath room咋！我都係到時先再搵啦！
咁full! 你旺季去？
刪除20/9 - 1/10，都唔算啦，同你差不多時間...
刪除直頭同我一樣呀~ 咁應該周圍都係住宿喎! 信我啦！有部車唔使book定，享受逍遙自在真正既樂趣啦~
刪除呢個時間我都會出發，再睇多次極光~
哈哈...竟然咁啱！係呀，其他d都唔book住啦，到時先算～
刪除你去邊度睇？會唔會又係我下一個目標？你次次都早我一兩年去...XDD
hehe~ 要快過你呵呵~(講笑)
刪除睇你個list應該暫時未去，
我會係俄羅斯近挪威最北既城市，北極圈內打橫走，去到挪威，全程北極圈內，如港女咁都睇唔到都係認命吧⋯
你又中啦，我下次就係準備玩芬蘭最北邊同格陵蘭，有時間會玩埋北歐其他成市，行程可能唔係一樣，但都好接近！
刪除你俾心機寫blog呀知唔知....XDDD
知道~ 我地好似識左好耐既好朋友咁~ 有機會一齊交流吓啦~
刪除可以因為我哋嗅味相投...XDDD
刪除仲會成日都會俾人話點解會去d咁嘅地方！
好呀，一定三日三夜都講完...wakakak...
good!
刪除望落個山真係幾斜喎,滑落去有D驚
回覆刪除咪係，初級雪道斜成咁，想嚇Ｃ人咩！
刪除作者已經移除這則留言。
回覆刪除