2013 名古屋＋白川鄉 Day 5 (26-10-2013 Sat)

第五天：名古屋市中心→名古屋機場

今日係全日shopping時間，百貨公司要十點先開，
可以慢慢嘆個早餐先出發！

有西式同日式揀，我梗係揀日式啦～

嚟咁多日最好天今日，都好有一日晴天～

我哋住間酒店好方面行去百貨公司區都係十分鐘，
下次再住名古屋都會揀佢！





拚搏完一輪就去食午餐，揀咗食烏冬～

山本屋総本家　松坂屋店
http://yamamotoya.co.jp/day/index.html

熱辣辣，好大煲！

呢隻係名古屋好出名嘅味增烏冬，鳥冬是半熟的，
外軟內煙韌，未必個個鍾意食，呢種係名古屋的烹調方法，
配料仲有名古屋品種的鷄同和鷄蛋，味增湯好香，
我就好like呢煲烏冬啦！

～然後繼續買買買～

日本松茸原來真係咁貴架，一支已經兩萬円！

中途仲見有萬勝節巡遊，但好奇怪，成車女人都係男人扮架 =.="

呢間酒店真係好抵住，佢每間房重有兩個下午茶送，
行到攰，我哋就返酒店嘆個茶先！

兩件蛋糕都好好味，杯咖啡仲要幾好，又加分俾呢間酒店！

行到咁上下就揸車去噚日間屋酒屋食晚餐啦，真係超級期待呀！

呢個同噚晚一樣，好味道^0^

超級貼心嘅店員，佢見我哋唔識日文，

今日專登譯咗英文俾我哋，真係好感動 (T.T)

好多朋友怕居酒屋好多人食煙，不過唔知點解，

呢間係有煙灰缸喺枱面，但我連續兩晚都無見人食煙，

而且室內一Ｄ煙味都無，超讚呀！

噚晚食咗，今晚唔叫啦，不過放喺我面前，又唔抵得影吓佢...哈哈

今日叫晒佢推薦嘅魚生，一個字＂鮮＂！

海膽甘甜到不得了！！！

海螺，爽  ̖ 甜  ̖ 脆！

因為太好食，今晚唔可以唔叫...哈哈！

睇個樣都知佢有幾新鮮啦！

每隻都有我手板咁大隻架，毛爸唔食生蠔，
我可以自己吞晒兩隻，大滿足！

呢個菇菇湯又係唔可以唔叫，太好飲呀！

天婦羅可以話係一般啦，槳粉硬咗Ｄ，有咁多好嘢食，可以唔洗揀佢！

呢個鯛魚煲仔飯係一定要叫，好鮮嘅魚味加好香嘅飯味，等咁耐都抵架！

煲飯應該有４大碗，我哋當然食唔晒，打包囉，
睇吓店員幾有心，幫我哋包成兩個飯糰樣，
聽朝有美味早餐啦！

超級滿足嘅一餐，埋單13,000円，超抵食，下次我嚟名古屋，一定會係因為你而停留一晚喺名古屋市中心！

跟住開車去機場

餐廳→東橫INN 中部國際空港本館橙色方面

44.7KM 42分 1,800円 IC-42KM


泊好車，差唔多11點先check-in完返房，
收埋呢兩件包裹就齊晒今次嘅Order啦！

今日喺超市買 ，好靚喔！

執好行李就要旱Ｄ瞓啦，聽朝9:30機返香港！

東橫INN 中部國際空港本館橙色方面 (TEL:0569-38-0045)

〒479-0881　愛知県常滑市セントレア4-2-5

http://toyoko-inn.com/c_hotel/00148/index.html

7,106 (會員價格)  駐車場免費