2013 上海 - Day 2 (28-11-2013 Thu)

第二天:上海遊蕩

毛爸一早出咗去做嘢，我就無無聊聊瞓到lunch先起身，可以瞓到自然醒係好奢侈，好耐無試過！

第一餐已經係lunch...哈哈！

去咗酒店旁邊一間麵館食麵，係噚日check-in 時個服務員介紹～

等麵嘅時間見到呢隻百厭星喺度玩報紙～



Ｄ麵好好食，不過Ｄ牛肉就好硬，30人仔，OK啦！

 

跟住就四圍蕩吓，蕩蕩吓見到Starbucks又入去啡啡先！

好黑仔，排我前面個大嬸買18杯，足足等咗半個鐘先有得飲，好在我唔趕時間啫！

行到３點就返酒店執嘢，今晚搬去朋友家住，

聽朝一早出發去滑雪！

今日毛爸工作順利，準時返到上海市，６點就開飯啦！

呢Ｄ時侯去到上海，當然要去食大閘蟹宴啦！

清清哋，食個藍莓山藥開吓胃先！

牛肚好爽口，味道好似香港！

炒蟹蚶，好好食，仲要唔洗自己剝！

炒蟹腳，呢度唔知用咗幾多隻蟹呢...啖啖肉，真係好正！

蟹湯豆腐，豆腐索晒Ｄ蟹湯，好濃，好好味！

最邪惡嘅一味出場啦，蟹粉炒蟹肉，食到停唔到口，真係邪惡到極點！

蟹湯獅子頭，我掛住食蟹，唔記得食佢...哈哈！

蟹宴喎，點都要食返隻蟹掛！

呢度實在太好，唔洗自己郁手，有專人幫你拆蟹，真係太幸福啦，呢隻蟹公勁多膏，見唔見呀，

罪過罪過...我唔客氣啦！

蟹粉小籠包，好味！

蟹黃雲吞，個湯甜到呢...我已經11成飽啦！

但都唔可以唔食酒釀丸子架...好在有叫，好食過香港嗰Ｄ呀！

十分滿足，第一次咁樣食蟹宴，多謝上海朋友帶我去見識見識呀！