小朋友真係好小器架，上次拆線讚佢乖啫，之後就抓損眼角膜，星期三覆診，醫生話毛毛傷口好得慢，星期日再覆診時，傷口要最少細一半先得，傷口太耐唔埋，好容易有細菌感染！如果到星期日毛毛個傷口都埋得唔好，可能又要做手術，點解會咁架！
其實呢幾日一家人都好盡力照顧呢隻小魔怪～～～
今次毛毛食同查嘅藥都好有程序，少ｄ腦汁都會做少樣，日頭毛毛喺嫲嫲度，夜間我哋就自己照顧返毛毛～～～
俾個毛毛用藥時間表你哋睇吓啦！
６：１５ 食早餐
６：３０ 食抗生素（飽肚食）
６：４５ 查第一隻眼膏
７：００ 查第二隻眼膏（第一隻同第二隻要相隔１５分鐘)
７：１５ 毛爸會送我同毛毛去嫲嫲屋企
７：３０ 食維他命丸(維他命要喺食咗抗生素１個鐘頭後食）
８：００ 至 １８：００媽媽返工，毛毛由嫲嫲高度監察
１８：００ 查第一隻眼膏
１８：１５ 查第二隻眼膏（第一隻同第二隻要相隔１５分鐘)
１８：３０ 食晚餐
１８：４５ 食抗生素（飽肚食）
１９：４５ 食維他命丸(維他命要喺食咗抗生素１個鐘頭後食）
２３：００ 查第一隻眼膏
２３：１５ 查第二隻眼膏（第一隻同第二隻要相隔１５分鐘)
２３：４５ 清潔眼周圍嘅毛毛，因為ｄ眼膏會令到ｄ毛痴住晒，
唔抺乾淨，毛毛面仔會覺得唔舒服，會好想R！
我每日都準時做晒所有嘢，點解毛毛都好得咁慢嘅？
星期三晚睇完醫生後，決定再放假全力照顧呢隻小魔怪，希望星期日唔使再做手術！
毛毛個食藥同搽藥膏表真係好詳細, 少D記性都唔惦, 毛媽你為咗餵毛毛食藥, 晨早6點3便要起床真辛苦, 毛毛一定會感受到你的苦心同好快好番架~
回覆刪除[版主回覆02/06/2010 14:32:00]希望佢真係知道就好啦，而家仲成日扭計唔肯食藥，都唔知自己有幾嚴重，激死人啦！
你好!我都養左隻八哥, 亦有睇過你本書, 剛剛路過你個blog, 睇到毛毛咁, 個心都痛埋...我小孤係半歲時做過一次手術, 係絕育同小腸氣一齊做, 果晚佢野又唔食水又唔飲, 嘔左幾次.....我都成晚沒訓, 第二朝一早打去醫生到問.....所以都好明你而家的心情, 努力呀...毛毛好會快好返的!
回覆刪除[版主回覆02/06/2010 14:36:00]多謝你嘅鼓勵呀，小朋友有病就真係好擔心，希望佢努力ｄ，快ｄ好返，健健康康過新年啦！
哎呀!心痛死我啦 !毛毛要乖啦 !聽話啦 !忍下啦!快快好番啦!
回覆刪除[版主回覆02/06/2010 14:39:00]呢個小朋友手多多就搞成咁啦，希望聽日覆診唔使再做手術啦！
毛毛、蛇蛇個様？？変了？
回覆刪除[版主回覆02/06/2010 14:41:00]毛毛：媽媽話我用得污漕買多個俾我替換喎！
你咁全力以赴,相信毛毛會快d好番架.
回覆刪除[版主回覆02/06/2010 14:45:00]毛毛唔手多多會好得快Ｄ，希望佢唔好再咁多手啦！
你咁细心,毛毛一定会好快好返嘅 don't worry be happy
回覆刪除[版主回覆02/06/2010 14:49:00]而家佢成日唔肯食藥，又扭計，可能病得耐唔心機，希望毛毛快Ｄ好，帶佢出去玩吓，心情會好Ｄ啦！
毛毛個樣落晒型咁，睇見都心痛呀！快ｄ好返就可以去玩玩啦！ 蘇蘇都係唔肯食藥，要用勁味芝士包住先肯食呀（不過有時都會「妹」返粒藥出來，真係激死）
回覆刪除[版主回覆02/07/2010 23:10:00]呢個月毛毛足足瘦咗１磅呀，好返要好好補吓先得！
呢排毛毛食得藥多，警覺性好高，好難餵藥，而家咩都包都唔肯食，激到我死死吓！
嘩..真係辛苦喇..毛毛你要快d好番黎報答媽媽,如果唔係就冇得出去玩架喇
回覆刪除毛毛變身豹妹look喎..
[版主回覆02/07/2010 23:14:00]唔使佢報答，乖乖哋幫我食晒ｄ藥就唔錯啦！
得豹紋有佢size咋，唯有變豹妹啦，靚唔靚女啫！
今日睇咗vet點呀? Anyway, 我都祝毛毛快快埋口, 千祈唔駛再做手術
回覆刪除[版主回覆02/07/2010 23:24:00]傷口埋晒，唔使再做手術呀 ，不過藥膏同維他命丸就要查同食多一個星期，而蛇餅亦都要陪多毛毛一個星期！
咁多人關心毛毛，佢唔快ｄ好返就真係唔乖啦！
多謝晒呀！
嘩真係辛苦媽咪. 毛毛你要乖乖啦.
回覆刪除[版主回覆02/09/2010 20:54:00]盡量啦，如果媽咪唔迫我食藥，我諗我會乖ｄ囉！
辛苦哂, 毛毛同毛毛媽都要加油!
回覆刪除[版主回覆02/09/2010 20:52:00]會啦，多謝細豆，我會同媽媽一齊努力！
嘩....唔mark 低個schedule真係實搞亂啫!!!!!辛苦晒毛媽媽
回覆刪除毛毛你要乖d喇......快d好返呀~~~~
[版主回覆02/09/2010 20:57:00]咪係囉，都唔知點解而家ｄ藥咁煩全部都有時間限制，我入晒落電話度，而家個電話一響幾十百次呀！