Hi！各位朋友仔，年三十晚我已經同個蛇餅分咗手啦，而家變返單身啦！
等我報告吓我回復單身後有咩搞作啦～～～
年三十晚當然要陪媽媽封利是啦，呢ｄ全部都係小狗利是，全部都係要嚟派俾我ｄ朋友仔架，ｄ利是真係好吸引，入面全部都係我最鍾意嘅零食嚟架，所以我一定要幫媽媽看實，如果唔係俾人偷咗就慘啦，我係一隻工作犬，呢個任務就交俾我啦！
呢ｄ就係利是餡啦！
我看實架～～～
仲要看幾耐架，已經好攰啦，瞓一陣得嗎？
一覺瞓到天光，仲好攰呀，噚晚我做看更呀！
咦！好似唔見晒ｄ利是喎，屎啦屎啦，瞓著咗，失職呀！！
哦！原來媽媽收好晒，想嚇屎我咩！
年初一要去嫲嫲度拜年，著返條裙仔先，靚女ｄ唔知會唔會多ｄ利是嘅呢？
媽媽我準備好啦，可以出發去拜年啦，不過你可唔可以派咗利是俾我先呀？
毛毛好盡責喎..扮得咁靚女..希望你逗到多d利事買野食啦
回覆刪除[版主回覆02/16/2010 13:07:00]毛毛：今年成績唔錯呀，豆豆你都好多靚衫喎，你ｄ利是應該都唔少啦！
回覆刪除~~~~~
[版主回覆02/16/2010 13:09:00]著咗條裙仔，係咪呃得吓人呢？
嘩哈哈, 毛毛你新買的胸帶好靚呀!
回覆刪除你d利是封同入面個涵都一樣咁吸引呢. 比我收倒實唔捨得開黎吃.
[版主回覆02/16/2010 13:12:00]呢個係我私家擁有架，限量一個！
唔得一定要開，小朋友淨係鍾意ｄ涵架咋，d封就留返俾d家長啦！
毛毛好乖呀....幫媽媽手.....
回覆刪除by the way, 新年快樂 !!!
[版主回覆02/18/2010 22:41:00]仲有幫口添呀！
大家咁話，新年快樂！身體健康！
哎呀,SORRY呀,我一直以為毛毛係BOY呀.
回覆刪除[版主回覆02/18/2010 22:45:00]毛毛：咁我要學返斯文先得啦，仲要叫媽咪買多ｄ裙仔俾我著！
毛毛:祝你虎年身體健康,病魔遠離你
回覆刪除[版主回覆02/18/2010 22:56:00]多謝ｅｅ，毛毛祝你哋一家個個都身體健康，心想事成！
Mo Mo Family Kung Hei Fat Choi
回覆刪除[版主回覆02/18/2010 22:59:00]多謝Taki！新一年我哋祝Taki家個個都身體健康，心想事成！
毛毛條裙仔好令喎！ 新年快樂呀！ 阿根廷好好玩呀
回覆刪除[版主回覆02/18/2010 23:06:00]毛毛：為咗逗利是梗係要出剎手鐧啦！
已經成日心思思想再去，你重嚟引我！
一定可以逗到好多利是啦！虎年進步！心想事成！恭喜恭喜！
回覆刪除[版主回覆02/18/2010 23:08:00]多謝Ringz姐姐！新一年我哋祝Ringz姐姐身體健康，心想事成！
wow, 新年快樂, 利是逗來!
回覆刪除[版主回覆02/18/2010 23:11:00]多謝細豆，大家一齊逗多ｄ利是！
毛毛, 恭喜你同蛇餅分左手, 祝你身體健康!
回覆刪除你條裙仔好靚靚呀!
[版主回覆02/18/2010 23:13:00]多謝蕃茄！新一年我哋祝蕃茄家個個都身體健康，心想事成！
single and available, soooooo attractive
回覆刪除[版主回覆02/18/2010 23:22:00]毛毛：Winnie姨姨你真係識氹人嘅啫！
恭喜發財, 祝毛媽一家虎年龍精虎猛, 身體健康, 心想事成~
回覆刪除[版主回覆02/18/2010 23:23:00]多謝miu miu，我哋都祝miu家個個都身體健康，心想事成！
恭喜晒呀毛毛......新年快樂~~!!!最緊要係身體健康呀~~!!!
回覆刪除[版主回覆02/18/2010 23:25:00]多謝小吉同紅豆！
係呀，最緊要身體健康，新一年希望個個都身體健康！
恭喜發財呀! 你著起條裙仔好嬌俏呢
回覆刪除毛媽, 你d狗狗利是好有心思呀!
[版主回覆02/18/2010 23:28:00]毛毛：我真係好少咁嬌俏架，新一年改形象呀！
媽媽：一年一次希望ｄ小朋友開開心心呀麻～～～
BMB 祝 毛豬豬一家龍精虎孟.....笑口常開.....
回覆刪除毛毛, 妳巧俏呀~~~~
[版主回覆02/18/2010 23:31:00]多謝BMB，新一年我哋祝BMB家個個都身體健康，心想事成！
毛毛：今年要做返個女仔呀！
恭喜發財~~ 祝毛毛家各成員身體健康, 心想事成, 成日都有得去旅行!!!
回覆刪除毛毛著起呢條裙好嬌俏!!
[版主回覆02/21/2010 22:24:00]多謝泰臣！ 我哋全部收晒！
祝泰臣家心想事成，身體健康，好運年頭行到年尾！