富良野 → 美瑛
今日主力係睇花田，食飽早餐就出發啦～～～
呢間酒店位置就好靚，外貌都唔錯，嘢食就真係麻麻啦！
不過冬天喺度滑雪就真係幾方便，酒店後面就係滑雪場～～～
路邊嘅野花都好靘！
第一站富田農場～～～
ｄ花好多都未開，不過都已經好靚！
見到人哋帶住小狗嚟玩，又好掛住隻肥妹添！
睇完花，梗係去行吓ｄ有嘢賣嘅地方啦，我睇仲呢個掛飾，毛爸話無地方掛，唔准買，激死我，毛毛嘢就樣樣都買，我睇仲一樣嘢咋麻，又唔俾買，Daddy你偏心！
下一站係日之出公園～～～
都係未開花～～～
睇吓風景算啦！
午餐唔覺意去咗間好好食嘅拉麵店"花道" Tel 0167-45-2201，好好味，好滿足呢！
就當我哋食到肚滿腸肥嘅時候經過一間超市，佢ｄ魚生同生果都係又平又靚，無奈我哋之前食得太飽，下午又仲有行程，所以只好放棄咗魚生，淨係買咗生果！
呢張相俾毛爸笑我，行花田就拿口拿面，行超市就開心成咁，使唔使改行程喎！
再去食埋個北海道招牌蜜瓜雪糕就返酒店啦～～～
今晚食燒海鮮！
我哋有４款飯後果，不過最後個蜜瓜因為太飽無食到，留返聽日啦！
又嚟浸一浸先瞓覺～～～
ペンション ジャガタラ(Pension Jacatra)
http://www.biei-jacatra.jp/
304(CottageD)部屋の料金 : 大人:8800円×2＝17600円
304号室 304 （コテージD） | ||||||||||||
   | ||||||||||||
|
嘩!毛媽,您又.....我又要飛呀... ..好正行程!請長細些,等我下次照抄 ....嘻嘻!嘩!毛爸好性感呀!
回覆刪除[版主回覆06/30/2009 19:28:00]你都好似啱啱返咋喎！
好，盡量長細！
我太肥，咪俾毛爸性感吓囉！
(Empty)
回覆刪除[版主回覆06/30/2009 19:28:00](Empty)
毛爸好性感呀!!!!!!!!!!!!!!!!!!!!!!!!!
回覆刪除今次你d花都好過我果次喇! 富田農場d煙薰衣草都幾靚.
[版主回覆06/30/2009 19:30:00]呢次係佢性感嘅極限架啦！
ok啦，不過比我想像中少囉，你ｄ嘢我買咗啦，返嚟打俾你！
嘩!!! mo爸出浴照呀!!!
回覆刪除[版主回覆06/30/2009 19:52:00]得罪老婆就會有咁嘅下場！
回覆刪除好想食呀~!
[版主回覆06/30/2009 19:54:00]雪糕好味，個瓜麻麻地甜，去到無晒橙肉，得返ｄ青肉，下次你去見青肉就淨要雪糕好啦！
毛媽, 咁有雅興去日本嘗花呀 ?
回覆刪除肥妹話 "呀媽, 你又話同我去衝浪, 點解你衝左出香港呀 ?"
[版主回覆06/30/2009 19:58:00]我主力唔係去賞花，係去食食食！
係喎，衝得大力咗添，好快衝返嚟啦！
睇下你哋幾開心, 實悶死毛毛喇.....慘慘呀~~! d花真係好靚呀, 我都希望可以帶埋兩個寶貝一齊去賞花呀, hehe~~!!
回覆刪除[版主回覆06/30/2009 20:02:00]毛毛去咗嫲嫲度渡假，晚晚有飽飯食，唔使減肥，又全日有人陪，唔悶啦！
努力呀，日本好多人會帶佢哋ｄ小朋友周圍去，好開心呢！
回覆刪除...........
[版主回覆06/30/2009 20:04:00]呢張係佢得罪老婆嘅下場！
嘩..又去旅行呀, 真的勁開心呀
回覆刪除[版主回覆07/04/2009 22:29:00]嘻嘻．．．我真係幾鍾意去旅行架！
毛媽,架Bb3好靚呀 !會五會貴D ?現在酒店難嗎 ?算不算high season ?
回覆刪除[版主回覆07/04/2009 22:48:00]Bb3你係咪話我哋租嗰架車呀，今次我哋好彩攞到８折所以唔貴呀，1500cc，6400yen一日(包埋免責補償費），而家係旺季嘅開始，未算太多人，酒店都係早兩個月book定架啦，旺季富良野ｄ酒店比較難book！
你玩死毛爸喇, 佢仲駛見人. 好性感呀(((((((((((
回覆刪除[版主回覆07/04/2009 22:49:00]鬼叫佢唔俾我買嘢呀！
日之出公園.....我Bingo Spicy晌果度影咗好多相呢.
回覆刪除[版主回覆07/04/2009 22:52:00]我去到都係咁諗呀，仲諗住spicy有無逃走呢，有咁多草地，佢兩隻小鬼一定好開心啦！
個掛飾幾靚呀!做咩唔買啫?你話俾Mo爸聽，"咩無位呀?我想掛係頸度得唔得?"
回覆刪除點解唔早啲post Mo爸張艷照呀? 有痛腳在手，買野咪無障礙囉!!
[版主回覆07/04/2009 22:56:00]都係你多鬼主意，下次帶埋你一齊去咪得囉！
佢而家面皮咁厚，無用啦，你今晚唔好瞓幫我諗掂佢啦！
d 野食 全部都可似好好味咁~~
回覆刪除[版主回覆07/04/2009 22:58:00]日本真係無咩唔好食，如果我係日本住一定肥過而家十倍囉！
得罪老婆嘅下場就係 ~~~~~ 剝光豬俾人映艷照 ~~~~~~不人道呀! 冇人權呀!!
回覆刪除[版主回覆07/05/2009 01:08:00]唔俾買嘢先無人權呀，shopping係女人最大嘅嗜好嚟架麻，唔俾 買喎．．．
下次唔會咁便宜佢！
招牌蜜瓜雪糕見到都流口水呀.
回覆刪除上次我食到橙肉, 真係好正, 不過就配唔到薰衣草味既雪糕.
[版主回覆09/12/2009 09:22:00]橙肉好味好多呀，黃肉差好遠，下次無橙肉情願唔食啦！