HONG KONG→SAPPORO/CHITOSE CX580 (0940-1530) 04HRS 50MINS
香港→札幌→富良野
年頭放假放得太勁，今年嘅假都真係所餘無幾，而ｄ送嘅機票就陸續到期，今次去北海道只可以去５日，自己都覺得有ｄ對唔住張機票！
晨咁早就出發，得嗰５日梗係要早ｄ起身啦！
好在一切都順順利利，落機唔使１個鐘已經攞堆車可以出發～～～
今日好趕，４：３０出發，７點前要到酒店，因為book咗７點食飯，毛爸又施展佢嘅飄移技術，逢車過車！
中途見到個好大嘅觀音都無停低睇，呢張都係停紅綠燈時影，食飯緊要呀！
６點９就到咗，我哋間房望出去個景都幾正架！
放低行李就去開飯啦！
呢餐懷石料理麻麻哋，希望之後幾日有好嘢食～～～
食飽浸一浸就瞓啦，好攰呀．．．．．．．．．．．．毛爸！
ホテル ナトゥールヴァルト富良野
Hotel Naturwald Furano
http://naturwald-furano.com/
１部屋の料金 : 大人:15750円×2＝31500円
日本呀.............................................
回覆刪除[版主回覆06/30/2009 19:24:00]我嘅最愛之一...................................
回覆刪除好靚既OWL呀!!!!!!!!!!!!!我依家超鐘意OWL既東東, 癲咗.
毛爸好犀利, 施展佢嘅飄移技術, 六點九就到, 時間啱啱好呀!
個大觀音......我上次去都見到, 不過都係無特登停底影相, 你e張影得幾好呀!
[版主回覆06/30/2009 19:23:00]owl又真係幾可愛！本來３個半鐘，而家２個鐘頭１５分就到，唔用飄移點得，遲咗真係飯都無得食架！
咦！我哋今次咪同你哋上次行同一條唔囉～～～
Japan again........ so jealous wow (^^)
回覆刪除[版主回覆06/30/2009 19:18:00]日本真係太吸引吖麻，張機票仲要任揀亞洲一個地方，更係揀最貴嘅北海道啦！
好野, 又有遊記睇喇!! 我地果邊d申請手續都如火如荼喇, 多謝momo媽你教路呢~
回覆刪除[版主回覆06/30/2009 19:15:00]嘻嘻，成日霸咗阿毛嗰blog係度寫遊記，阿毛就嚟唔放過我啦！客咩氣，希望你早日成行啦！
又有好野比我參考, 我而家儲緊錢諗住出年去北海道揸車旅行! 毛媽你要整多d相上嚟呀!
回覆刪除[版主回覆06/30/2009 19:13:00]ｄ相努力中啦！你識揸車架，雖然我有車牌，但係次次毛爸都唔俾我揸，不過算啦，都係做乘客舒服ｄ！ 努力啦，不如帶埋番茄一齊去！
嘩.....毛毛媽你又去旅行呀, 你真係想羨慕死人咩???
回覆刪除[版主回覆06/30/2009 19:07:00]呢張機票係上次去南美買嗰張HK-NY送架，６月３０日前一定要出發，所以咪得兩日假都要去囉！
嗯 ~ 你幾時去咗日本呀?
回覆刪除[版主回覆06/30/2009 19:04:00]27号囉，聽日返啦老版娘！
哎唷, 旅行家又出發了, 我呢個觀眾見倒都興奮呀!
回覆刪除[版主回覆07/04/2009 22:25:00]哈！你又笑我哋呀，去旅行同減肥都係我終生事業！
老 版 娘 (old version mother) ..........家陣玩嘢呀 ? 係咪玩嘢先?
回覆刪除[版主回覆07/05/2009 00:59:00]我都話過你聽，我最叻就係寫錯別字架啦，你而家信啦掛！
我PLAN緊九月尾去北海道15天自駕遊呀！
回覆刪除我會有3個人去，你今次租既Bb可能唔夠我地擺行李，因為15天的行李應該都唔少吖！！
[版主回覆07/20/2010 23:25:00]15日真係正，租７人車啦，多ｄ位，可以買多ｄ嘢！
如無意外，我地都應該搭這一班機同埋在同一個租車公司租車呀。
回覆刪除[版主回覆07/20/2010 23:27:00]我哋９月中都會再去呀，亦都係搭呢班機同埋在呢間租車公司租車呀！
哈哈！租架7人車來放戰利品？
回覆刪除[版主回覆07/21/2010 16:44:00]唔係，主要坐得鬆動ｄ，又順便放下ｄ戰利品啫！