2016 長野苗場，北海道，東京，滑雪Shopping團 (Day 2 - 10 Jan 2016 Sun)

東京 - 御茶之水 - 銀座

呢間酒店早餐算好多嘢食，不過就好多人同味道一般囉～

三個都係滑雪人，有一日free time，當然要去御茶之水睇吓有咩新出品啦！

幫下一團嘅團友買定手套同暖包～

幾層高嘅snowboard shop有好多間，真係行到腳軟！

好多選擇，不過剛開季，無乜減價，唔吸引！

如果著晒呢套，我應該唔識郁...XDDD

手套都咁多款，問你點揀！

唔覺意睇到，咁大塊波板要嚟打乜？

中途眾人要去Starbucks上上電先～

Lunch隨便去咗間拉麵店食，都幾好食架！

小店都係自助買飛～

交咗飛俾店員就坐低等食～

係個湯肥咗d，味道唔錯～

個炸雞唔好睇佢炸到咁燶，裡面d肉仲好滑架～

下午去咗銀座，出到嚟呢個咁富貴嘅地方，d人嘅衣著都唔同晒～

首先去食個下午茶先～

呢間係日本人愛店，要排隊係正常囉～

排咗大半個鐘先排到裡面～

呢度除咗朱古力都仲有其他嘢食嘅～

就連酒都有架！

我呢d唔食朱古力嘅人咪食雪糕囉，聽兩位團友講，兩個芭菲杯都好好味喎，可惜我唔識欣賞！

食完Tea就去百貨公司逛吓～

無乜嘢買到，只係買到一件毒物～

LC有新出品，又幫朋友入咗貨咁囉～

團友睇中呢架車喎！

晚餐去咗個好姊妹介紹嘅日本私房菜食，大廈入口～

原來呢度全座大廈都係食店～

我哋被安排坐喺近門口嘅房間，呢度全部都係獨立房間，所以坐得好舒服～

訂位時已經訂埋餐，坐低就有得食～

以為呢d前菜已經好新鮮美味，點知之後嘅更精彩！

虎河豚，好鮮甜又有口感，好好食！

炸虎河豚鮫，連唔鍾意食炸嘢嘅我都讚不絕口！

初初見到呢碟，以為有魚生食，好彩無手多多拎嚟食咋...

原來廚師會即場煮俾我哋食...真係大鄉里！

每人再獲贈一隻蛋黃～

廚師大人教我哋將隻蛋黃加埋Ｄ魚一齊食，好味到震呀！

跟住今晚主角出現啦，極度生蜢，劏蟹過程我係完全唔敢睇...因為佢係係我哋間房，即場劏架...好驚囉！


同時間，廚師大人準備咗滾水~

要嚟裝蟹隻碟好可愛，幾想偷隻返屋企，不過我唔會做失禮我哋香港人嘅嘢^^

有Ｄ部份放咗落滾水度淥～

有Ｄ就用冰鎮住～

呢位係照顧我哋成晚嘅廚師大人～

非常專業同熟手，劏蟹起肉，快過我哋食囉～

第一件係要生食，唔好點醬油，極度鮮甜！

隻解腳食完第一段，廚師會收返，中間嗰段係灼到半生熟再俾返我哋食，仲會幫我哋剝埋殼架，未試過食得咁爽呀！

最後就係食先前放咗落去灼嗰Ｄ，係全熟，但一樣咁鮮甜！

當我哋開緊餐嘅時候，原本個蟹身已經攞咗出去蒸，食晒蟹腳到蟹身啦～

三兩下手勢就開好晒個蟹身俾我哋，咁樣食蟹真係太幸福！

最後就係三文魚子同飯，其實已經飽到上頭殼頂架啦，不過見到Ｄ三文魚子咁靚又唔抵得，又食晒！

所有嘢都咁好味，我無理由唔試埋個甜品架...好味！

最後好滿足咁攬住個40吋嘅肚腩返酒店，超級滿足！

Shinagawa Prince Hotel（品川王子酒店)

〒108-8611 東京都港区高輪4-10-30

TEL:03-3440-1111

http://www.princehotels.co.jp/shinagawa/