2015 青島濰坊之旅 (Day 2 - 21 Oct 2015 Wed)

濰坊市尋人第一天

酒店唔包早餐，所以要出去搵食～

濰坊風箏節好出名，酒店大堂都有d風箏展出，手工好精細～

晨早唔係好多店開，揀咗台灣永和豆漿試，都係台灣好食d，呢間一般啦～

 食飽就出發搵人啦，去到目的地發展媽咪以前住嘅地方已經變咗旅遊景點....

好在間醫院仲喺度，於是我哋就盲中中走入去問藥房d人識唔識幾個老醫生，不過嗰d醫生都已經七八十歲，應該退咗休好多年，所以佢哋都唔認識，但佢哋好幫手，幫我哋打電話問d年紀比較大嘅醫生，又喺佢哋醫院微訊個群組幫我哋問人...可惜得到嘅都唔係好消息，好幾個以前同我媽咪一齊工作嘅老醫生都已經去世...懷住好沉重嘅心情離開...

攪咗成朝，差不多兩點先開飯～

呢間好鬼難食，全部咸到c，一半都食唔到！

食完飯，我陪媽咪返酒店休息，哥哥就一個人繼續去打聽～

哥哥再返去先前間醫院再問，最後有個醫生話識媽咪一個朋友，但只得地址無電話，但都已經好好，起碼有條線繼續搵呀！

晚餐又係喺酒店旁邊嘅萬達廣場食，今晚食刀削麵～

呢餐真係平靚正呀，又好食又平，3個人食咗1百蚊人仔咋～

 宵夜係馥芮白咖啡，飲完早d瞓，明天繼續努力！