2015 台北遊學團Part 1 (Day 1 - 29 Aug 2015 Sat)

第一次一個人離開香港上學去，識我嘅人都知道，我呢d不求上進，

唔愛讀書嘅人，正正經經嘅課程唔會吸引到我去學...XDD

一個人出發行李唔多，只有黑色細喼係我，另外兩袋係帶俾台灣朋友～

而家上機前食飽係指定動作，CX飛機餐係極不可靠！

去到閘口見到個牌寫東京，嚇一嚇！我以前自己買錯機票...

原來係去日本經台灣啫，幾想唔落機坐到尾呀！

另外，CX又delay!

呢個炒飯好難食，好似爛飯咁！

差不多2點先去到酒店，未有得check-in，咁放抵行李去醫肚先！

多謝台灣朋友幫我搵定我想食嘅水餃，酒店行去唔洗十分鐘～

酸辣湯同前菜麻麻地～

韮菜水餃好好味！

干貝水餃係呢間店嘅名物，餃皮係綠藻做嘅，好鮮味，

都好好味，不過我都係鐘意韮菜多d！

唔記得攞錢就去咗食嘢，好在夠錢找數，食飽拿拿臨去攞啦～

而家去台灣好方便，只要有呢個logo，就可以用有銀聯logo嘅提款片直接拎台幣，

要收HK$20手續費，不過個匯率好，可以抵返，但每日最多只可以提NT20,000~

跟住再去台北車站行吓，下午茶去咗咖啡弄～

滿足！

旁晚時候返酒店休息一陣，呢間酒店好滿意，房又大又新，服務超級貼心！

晚餐約咗台灣朋友食飯，佢請我食手工雪糕好好味，無實體店，只可以網購架咋～

晚餐去咗熟成21牛肉麵，NT555一碗，味道都算唔錯，不過貴過品川蘭一倍，
我會覺得品川蘭無論環境同麵都呢間好，好在朋友有coupon可以半價食到，
唔係真係會覺得好唔抵！

Cozzi Hotel Teipei - 台北忠考館

http://www.hotelcozzi.com