2015 農曆新年極地滑雪の旅 Day 2 (15 Feb 2015 Sun)

利維滑雪渡假村 (Levi Ski Resort) - Snow Shoeing

第一個喺Levi過嘅白天竟然係-27度，噚日睇天氣都係負幾度，

真係考驗吓我怕唔怕凍？

好在我哋有貼心領隊Lolo送嘅羊毛鞋墊，今日出去行一日都唔怕凍啦...XDD

房間望出去嘅景色好靚，我有一個粉紅色嘅早晨！

呢個團嘅時間都係好攸閒，９點先落去食早餐，餐廳非常闊落舒服～

早餐食物選擇都算多，不過熱嘢就少Ｄ，歐洲早餐算好唔錯架啦～

搵個靚位坐抵，嘆個靚早餐～

10:50大堂集合，出發去玩snow shoeing，咁嘅出發時間跟團真係未試過，太爽啦！

15分鐘車就到達我哋嘅起步地點，有專人教我哋著隻大腳８同講解點樣用呢隻大腳８喺雪地上行，跌抵應該點樣起身，我有好留心聽書架！

毛爸：我準備好啦！

go go go 出發未呀？

影埋大合照就真係出發啦，第一次snow shoeing!!!!

Lolo除咗係我哋領隊同教練之外，仲係我哋嘅隨團攝影師，呢度有CNY Finland 2015字樣嘅相都係Lolo嘅大作，完全捕捉到我哋開心嘅時刻，多謝Lolo除咗帶我哋去玩，俾飯我哋食，俾酒店我哋住，俾飛機我哋坐，仲俾咁多美好嘅回憶我哋呀...XDDD

呢隻大腳８喺唔深雪嘅地方行都好容易，不過一深雪就好難行，我成日俾Ｄ雪食住，好辛苦先拎返隻腳出嚟，辛苦過滑雪呀！

行湖面最舒服！

行完湖就入樹林，上斜辛苦呀！

原來樹林裡面已經有人起咗火，燒定腸仔等我哋喎，即刻埋位一齊燒啦！

咁燒嘢食真係第一次，好好玩，腸仔又好好味！

今次旅程好多合照呀！

回程又係橫過個湖返去～

返來啦，影完團體相就去開餐！

我哋食Lunch嘅餐廳～

個外牆係用冰起，好靚，唔知點整嘅呢？

仲有間冰屋喺旁邊～

外面冷冰冰，入面暖笠笠架！

圍住火爐食飯好溫暖～

不過歐洲人嘅午餐係興飲碗湯同食個包架咋...

下午返酒店眠一眠，傍晚時間再出動～

我哋酒店喺半山，今日晚餐喺下面城食，所以要坐吊車落去～

呢間係ski-in ski-out嘅酒店，落去城坐吊車都係幾分鐘，位置好正！

一出酒店就有呢Ｄ廁所掍，即刻就可以上山滑啦～


Levi village我覺得比白川鄉更靚！

真係話咁快就落到城～

黃昏嘅景色永遠都咁迷人～

山腳影返上去可以清楚睇到我哋酒店位置，係咪好正呢？

喺呢Ｄ咁凍嘅地方見到好多毛孩都係唔洗著衫，又唔見佢哋震喎，好嘢吖！

Levi village唔係好大，不過就好多賣滑雪用品嘅店舖同食店～

夜晚著咗燈，成個town都好靚！

食飯前，Lolo安排咗我哋去浸Spa~

歐洲Spa一般啦，我都係鍾意日本溫泉多Ｄ...hehehe...

同日本一樣，浸完就去開飯啦，呢間餐廳個樣幾靚架～

不過Ｄ嘢食唔得囉，聽Lolo講，以前多Ｄ嘢食架！

Levi village夜晚一樣咁靚～

我哋放雪具嘅地方，大家都準備好明天開始喺北極圈滑雪啦～

以為可以早早瞓啦，點知又收到Lolo whatsapp，9:45出發去睇極光，我哋成團人坐的士上山頂睇，只係幾分鐘車程，上到山頂，搵好位，set好機，極光就出現，Lolo點可以預得Ｄ時間咁好架！完全唔洗捱睇瞓，影完行返酒店都係11點幾...XDDD

 

 Hotel Levi Panorama

http://www.golevi.fi/en/accommodation/hotel-levi-panorama