2014 英國巴庫＋冰島＋日本東京 DAY 15 (01 Oct 2014 Wed)

2014 英國巴庫＋冰島＋日本東京 DAY 15(01 Oct 2014 Wed)

Reykjavik (KEF)→Frankfurt(FRA) →Toyko(NRT-T2)


其實我都唔係好明白，點解d機要咁早呢...4點半起身，5點出門口，天都未光，真係想C！

因為整花咗架車，所以預多咗時間去還車，其實已經有晒心理準備要俾幾多錢同點處理，

一切都好順利完成，之後租車公司就送我哋去機場～

喺機場食咗個簡單早餐，行咗陣就準備上機～

Blue Lagoon喺機場有duty free shop，價錢比喺Blue Lagoon買平，

所以各位要去冰島嘅朋友，唔洗一早買，上機前先買啦，又平又唔洗搬足全程！

FI520 Reykjavik(KEF)→Frankfurt(FRA T1) (07:25-12:50 3:25 hrs)

上機時天都未光呀！

拜拜啦Iceland，I will be back!!!!

一點順利到達法蘭克福機場，轉機有7個鐘時間，寄咗兩件行李後就準備坐火車去市中心行吓！

對於習慣自鴐遊嘅我哋，坐車係好大嘅挑戰，買飛都攪來攪去，
又唔收信用卡，又唔收50歐紙幣下，玩咗廿分鐘=.="

無驚無險到達Hauptwache站，仲搵啱出口...要俾個叻自己先...XDDD

MyZeil呢度有我最愛嘅illy coffee，可惜今日趕時間，下次再嚟探你！

又係2點幾先嚟食lunch，刻意揀喺MyZeil旁邊呢間Weidenhof食...

係因為上次毛毛同我哋一齊嚟時係喺度食，好懷念！

毛爸諗起同毛毛一齊嚟時開心到佢...XDDD

上次嚟明明好好食，點解今次麻麻地嘅，唔通因為無毛毛陪食...

今次咁趕都出嚟係因為要買佢，呢個特別厚身，用嚟放我哋d snowboard gear啱晒！

回程時喺火車站見到呢位可愛嘅小朋友，超級乖，可以喺德國生活嘅小朋友，好幸福！

5:30終於返到法蘭克福機場，攞返先前寄存咗嘅兩件大行李就去check-in，真奇怪，
check-in counter 係頭等先有人排隊，其他class無人喎！其實頭等得8個位，有乜可能咁多人呢...

最後都順利check-in，又去食d嘢先上機，本來想沖個涼，不過要排隊，
排到嚟都夠鐘啦，最後都無得沖，JAL喺法蘭克福機場對頭等艙嘅乘客明顯支援不足，
仲差過d歐美航空公司，有好大嘅改善空間！

JL408 Frankfurt(FRA-T2) →Toyko(NRT-T2) (19:20-13:40+1 11:20 hrs 5,826 mls)

不過上到機又係另一回事～

今年4月先新安裝好嘅頭等位，好闊落～

之前坐頭等都唔會換睡衣，不過今次有空服攞住套睡衣嚟請我換，好啦，又試吓換咗會唔會好瞓d...XDDD

除咗睡衣仲有一大堆禮物～

最開心係收到Cle de peau新出仲未有得嘅賣新line “Synergique" 試用裝，試咗非常好用，決定轉用！

JAL個drink list有好多唔同款嘅飲品，唔單止淨係得酒，仲有好多特別嘅茶～

揀咗呢款Premium Japanese Tea~

個包裝同酒好似呀~

仲係用酒杯上～

晚餐唔洗諗，我一定係食和食啦～

食咗咁多日西餐，見到呢幾碟嘢真係好感動...XDDD

個湯好清甜～

每款都好精緻，係過萬呎高空食到呢餐咁正嘅和食，感恩呀！

甜品都掃埋，full set食晒，一粒米都無得剩...XDD

最後飲埋杯綠茶消吓滯，完美嘅一餐！

食飽就瞓，JAL個頭等位比CX同BA都好瞓，因為佢係前後都一樣闊，
腳位都可以兩邊轆，而CX同BA只係著重上半身位闊，腳位就好窄～

早餐都係揀和食，無納豆有d失望～

失望之餘都食清晒...XDDD

毛爸好騎呢，早餐揀食湯麵同咖哩飯...=.="

自得其樂，唔理我！

食埋早餐就準備落機，日本美食我嚟啦！