第八天：名古屋市中心→名古屋機場→香港
今日下午機返香港，朝早就只周圍行吓同買吓嘢，早餐去咗試一間喺酒店附近嘅一間小店～
一坐抵未叫嘢就俾咗兩隻蛋先，好奇怪！
呢度就係得咁多嘢食，無其他架啦，我問佢攞餐牌，佢俾我都係呢張！
呢間小店d裝修應該有50年，好似坐時光機返咗古代咁～
咖啡好酸，not my cup of coffee...
呢個早餐一般啦，不過見識到間咁古老嘅餐廳都幾得意，而呢間餐廳喺正旺區大街嘅地舖，點解可以生存到架？因為我見佢無幾多個人幫嚫，如果喺香港應該執咗9世啦！
食完個早餐唔飽，試埋佢個自家裝咖啡啫喱，都係好酸，唔得！
食飽去shopping，有一間百貨公司有北海道展，人山人海，日本人真係好熱愛自己國家嘅出品...XDDD
買咗呢個Oreo替身俾Oreo姐姐...XDD
酒店→Aichi Chubu International Airport
44.7KM 40分 1,800円 IC-42.6KM
12點就check out揸車去機場還車啦，今次開咗780km~
午餐喺名古屋機場食，兩個麵都好好味！
行多一陣就入閘準備返香港～
今次CX嘅飛機餐好少少，不過都唔可以叫好食！
話咁快就玩完8日，好期待下一個旅程！
吓? 早餐同lunch都係o個d o野佐喎. o係HK真係執咗10世.
回覆刪除所以香港而家好慘，得d連鎖嘅食店！
刪除香港玩完啦! 所以路經香港既殘舊冰室，一定食吓~
回覆刪除咁耐先update,D傷無野嘛？
係呀...而家經過d小店都會幫嚫，唔係第日想都無得幫嚫呀！
刪除哈哈...都係懶蟲病發作咋，基本上已經好返，隻手做多幾次物理治療就返得工啦^^
你依家sick Leave緊都仲懶蟲病發!! 我近來不停努力中!
刪除見啦，咩事咁勤力？趕結婚呀？...XDDD
刪除哈哈~ 咁又唔係，係趕下一個旅程前寫完啫~
刪除不過上次同你講既極光之旅真係有變就真! 咁我就唔使次次行先你一步啦~ 哈哈~
我出年都唔去得芬蘭住，有人要求要去以色列...
刪除因為我15年尾要換passport, 所以換passport前要去咗以色列，聽人講passport有以色列印，好多地方都去唔到！
名古屋個機場好似都幾多嘢食
回覆刪除仲要好多都好好味，所以而家出入日本都盡量揀佢！
刪除hihi,好希望可以好似你禁带埋狗狗去旅行，我點樣可以add你？希位望你可以share d links 俾我，我下年plan同狗仔去日本，如果ok, 我希望一生人至少同佢歐遊一次！thx
回覆刪除呢度點add我唔知呀，都唔係好識用，我都係自己bookmark D blog友link咋 :P
刪除喂喂! 唔好荒廢呀!
回覆刪除我日日喺屋企食同瞓，無嘢寫呀，邊得好似係咁去完又去，去完又去喎！
刪除今個星期先返工，好唔慣呀...(T.T)
我幾時有去完又去，去完又去⋯⋯
刪除