2013 Doggy Lamma Island (28-12-2013)

自己去玩飽返嚟，點都要同個囡交代吓嘅，嚫星期六得閒約埋朋友仔Oreo 一齊去南丫島玩吓，
我哋早咗到，去行吓商場先啦！

毛毛：Ｄ聖誕裝飾好靚呀！

未去南丫島前首先要陪媽咪上咗電先！

夠鍾上船啦！

傻妹有得玩笑得特別開心～

毛毛好朋友Oreo

話咁快就到！

毛毛：呢度我好似以前嚟過喎...

 

想正正經經同兩個小朋友影張到些一遊相啫，睇佢兩個幾咁唔合作...真係激Ｃ人！

一齊放返上車，無得走，咁先影到！

行無幾耐，有人又有新發現，shopping時間！

 

毛毛：佢哋要買幾耐架？

大人shopping時間時，小朋友就影吓相先啦...XDDD
好在有帶毛爸嚟...XDDD

毛毛：佢哋shop完ping又食，幾時先到我哋遊戲時間架？

之後我哋行到洪聖爺海灘就回頭啦！

靚靚Oreo ^o^

回頭我哋行上風車度，大斜路，兩個小朋友都唔肯行...要坐車(T.T)

有車坐都唔洗笑到咁奸架，你知唔知推你嗰個幾辛苦呀？

毛毛：終於都到啦，攰到我吖！

你全程坐車上嚟架喎，邊個攰Ｄ呀....!!!!!!!

黑白雙剎合照當然唔少得...XDD

呢個毛毛超級唔專業，影幾張就瞌眼瞓，扣你糧架！

好在臨尾都交返Ｄ貨，算你啦！

 

毛毛：Oreo點解你高我咁多嘅？

毛毛：媽咪撞衫呀，我唔要同人撞衫呀！

毛毛：唔鍾意呀，嬲嬲呀！

毛毛：我著得好睇Ｄ！

Oreo : 肥妹你好煩呀，我真係怕咗你！

 

Oreo個攝影師好勁，呢個咁精彩嘅選美爭位情形都俾佢影到...XDD

 

毛毛：大家唔洗擔心，我無事，我身手好敏捷架！

Oreo : 頭先發生咩事，我唔知喎，我食緊雞雞呀！

 

哈哈...又俾人捉返上嚟再影過，今次合作Ｄ啦！

毛毛：我交晒貨，可以玩啦！

 

 

毛毛：我有時都係一個幾出色嘅友誼小姐嚟架...XDDD

玩咗一輪，又要開工啦，唔係今年個月曆點算呀！

 

影影吓有人無心機...

最後仲瞓咗！

 

都係Oreo專業Ｄ！

最後都係俾個傻妹上車瞓，毛毛真係年紀大啦，玩大半日就攰成咁...

之前帶佢去日本，玩到第四日先開始攰架，本來我仲想帶多佢去一次德國，

見到今日呢個情形，我諗我要打消呢個念頭啦...

瞓咗一陣又精神返，都唔老得晒吖...XDD

Oreo : 我俾姐姐鬧...

玩到日落就走人，今日人狗都好開心！