2013 玻利維亞+南極 - Day 5 La Quiaca- Villazon- Tupiza

2013 玻利維亞+南極 Day 5 (10 Feb 2013 Sun)

La Quiaca(3,442 m) (Argentina) ＝＞Villazon (Bolivia)＝＞Tupiza(3,160 m) (Bolivia)


今日係年初一又係我哋闖關嘅日子, 心情好忐忑...

我哋約咗玻利維亞個tour guide 十點嚟hostel接我哋, 所以可以輕輕鬆鬆食早餐!

瞓醒覺時覺得自己唔夠氣，開始有高山反應，不過早餐時飲咗杯mate之後就無晒事，Ｄ地道嘢真係好得喎！


Hostel食完係要自己洗碗架!


呢度係由一對夫婦擁有，老公經常係其他城市工作，老婆負責打理，而呢間屋更係老板娘嘅祖屋，佢兒時就係喺度過，所以佢好鐘意呢間屋，而家不斷裝修同改建，更因為佢老公以前係住喺La Boca, 所以呢間屋都係油到好彩色，等佢唔洗掛住La Boca咁喎！








呢度有貓又有狗啱晒我，同佢哋玩咗一大輪




準時１０點個guide就嚟接我哋，我哋又去返噚日去過個入口，今次要排隊攪過關啦，心情都好緊張下，好在只係排十幾個人，好快到阿根廷個窗口，唔係真係會嚇到爆血管！喺阿根廷個窗口攪出境攪咗一段時間，因為我本ＢＮＯ個出生地唔係寫香港，唔知點解喺布宜諾斯入境時個關員入咗香港，而家同我本passport唔同，於是攞咗我本BNO去問完一大輪先俾返我，真係俾佢嚇Ｃ，跟住就再過隔離窗攪玻利維亞入境，俾晒我同毛爸兩本BNO佢，睇兩睇，蓋印，走得，咁就攪掂，無諗過咁容易就過到，過晒兩個關都係45分鐘，比預計順利好多呀！


跟住我哋就會去Tupiza, 由Villazon去Tupiza大概要個半鐘，呢條係收費道路，亦都係我喺玻利維亞見到最靚嘅公路！


我哋個司機好好人，每次我哋見到有興趣想睇嘅嘢，佢都會揾地方停俾我哋睇同影相，好好人！



我哋到之前兩個星期，玻利維亞落咗兩個星期大雨，好多地方都俾Ｄ水沖爛晒，好慘！


火車橋都沖爛咗，預計半年內都唔會有火車可以去到Villazon...


原本條橋係咁樣架！我原本都計劃坐火車返Villazon，好彩後期改咗行程咋！


周圍Ｄ嘢都好新奇，連Ｄ山都好趣怪！


玻利維亞其實應該係好有錢，佢國家好多礦物，不過可惜無技術同人才去提煉，Ｄ礦石好平咁賣俾Ｄ先進國家，因為採礦，攪到好多地方污染嚴重，而國家又搵唔到錢去攪環保同民生，所以人民生活艱苦，真係好可悲！


呢度全部都係錢！


中途見到人放羊又停抵影一大輪！


好快就去到Tupiza, 首先去咗我哋今次book嗰間旅行社先，因為要俾錢同埋講我哋聽我哋個行程嘅細節呀！


跟住返酒店Hotel Mitru啦，呢間酒店位置超方面，可惜只係lobby先有wifi...


房間都OK啦！


仲有泳池架，不過我哋無游～


放抵行李就出去醫肚啦，喺Tupiza食咩好，食pizza囉！


牆上有pizza size，唔洗問大中細有幾大啦，聰明！


呢度Ｄpizza係炭火燒架！


夠薄，仲係新鮮人手做好好味！


呢個Lasagna好味到無朋友，蕃茄味一流，汁又夠多，正！


我嘅救命茶"tri-mate"，每餐都要飲一杯！


食飽周圍行吓Tupiza~


呢個係我喺玻利維亞最靚嘅建築物，呢間係一間教堂同政府辦公室，有好耐歷史，不過最近翻新過所以睇落好新淨～


呢個星期成個星期都係慶祝嘉年華，路邊擺滿長椅俾民眾欣賞嘉年華會嘅表演！


呢d應該係準備去參加嘉年華嘅人，我哋行街時見到好多人盛裝呀！


晚餐又食港貨，今日年初一又成功闖關，開罐鮑魚慶祝吓先！


一人三隻，好滿足！