第一站當然係機場漁農處啦，攪好手續就可以去check-in 啦！
毛毛：我又出發啦！
Check-in 完仲有時間淨，同d小朋友行吓鬆吓，準備嚟緊嘅十幾個鐘頭機~
仲喺街食晚餐！
我哋準備好啦，幾時出發呀？
毛毛同蘇蘇可以上客艙坐，不過Co Co 就只可以寄艙...
CoCo我哋一陣落機見啦！
上機啦！
加航好嚴謹，一分鐘都唔俾放出嚟，我哋班機仲係全機爆滿，一個吉位都無，好辛苦先捱完呢程機...同上次德航比，真係天堂同地獄呀！
毛毛踏足美洲啦！
毛毛：我等Uncle蘇同Daddy去租車呀～
毛毛：呢度就係加拿大啦...
今次住機場附近嘅酒店～
呢間房本來住一晚，估唔到到最後竟然會住多一晚...
放抵晒d行李就去shopping啦，因為有好多晚要自己煮飯食，去中式supermarket入d貨先！
個個都好攰，買咗d熟食返酒店食～
食飽就早d瞓啦，聽日開始我哋加拿大嘅行程啦！
Accent Inn Vancouver Airport
http://www.accentinns.com/vancouver-airport
搭飛機果時, 毛毛有無吠要出黎呀?
回覆刪除期待往後的旅行手記!!!
[版主回覆10/08/2012 12:23:15]有架，不過都係幾聲，摸吓佢又無事！
嘻嘻~~終於等到你啦**頸都長埋^^
回覆刪除玩得開心啲喎..
[版主回覆10/08/2012 12:22:22]好快，好快啦！
最後幅相毛毛瞓得好sweet.
回覆刪除[版主回覆10/08/2012 12:21:54]小朋友Ｄ瞓覺樣你好可愛架，不過瞓醒就係另一個頑皮樣囉...
我有朋友話上次佢有個朋友坐加航頭等, 見到隻狗可以放出黎......果然唔同class待遇都唔同.... 最尾果張毛毛瞓得好sweet呀~
回覆刪除[frank豬豬回覆10/11/2012 11:10:40]OH................咁下次都係去日本, 歐洲果d welcome 狗狗多d既地方好了~
[版主回覆10/08/2012 12:20:14]No la, 而家係頭等直情唔俾帶狗，我買機票前都有問過，佢話而家只有Eco可以帶狗咋！
要屈蛇十幾個鐘, 真係好辛苦呀, 下次去D舒服D既地方喇!
回覆刪除[版主回覆10/09/2012 14:20:20]係呀，絕對唔會再去美加！
呀.. 唔係話改左例唔使去漁農處, 可以直接check-in 咩?! 又改左啦?
回覆刪除[版主回覆10/09/2012 14:33:07]去日本同幾個無瘋狗症嘅國家就改咗，其他都照舊要架！
咁快出blog！你好多相我都無呀，快d抄埋比我啦
回覆刪除[版主回覆10/09/2012 14:33:30]ＯＫ，今晚返去整俾你！
WOW!!!果然快手, 我要努力D睇呀!!!!
回覆刪除毛毛連小枕頭都帶埋去旅行. 真識嘆!
[版主回覆10/10/2012 20:04:58]大小姐要用嘅嘢,一件都唔可以帶少架!