呢度嘅早餐我都唔記得食咗幾多次，但都係一樣嘅好味！
毛毛：玩咗咁多日，終於返屋企啦！
噚日喺休息站買嘅牛奶，一般啦，都係北海道Ｄ牛奶好味Ｄ！
Suiran Green Park → 日本通運株式会社 (Tel : 0476-32-8011)***(61.3KM 58分 1,750円 IC-59KM)
食飽早餐就出發，去到機場前最後一個休息站，要幫架車加加油啦！
毛毛喺度識咗位日本靚仔～
今次因為轉咗航空公司，日通office都唔同咗地方，我哋今次揸埋架車入閘！
11點幾已經到咗動物検疫所成田支所-検疫第1課-貨物事務所攪手續，見到人哋用個水樽好正，返嚟香港見到有pet shop有得賣呀！
毛毛，我都係visitor嚟架！
之後再去埋日通攪埋Ｄ手續，未夠一點就完成晒，日通又俾我哋帶埋Ｄ小朋友出去行吓，晏Ｄ先再交返俾佢哋，咁我哋去食個lunch先啦！
原來貨運站裡面都有好嘢食，自家製烏冬我like 呀，就呢間啦！
我哋叫咗個豬腸烏冬，Ｄ豬腸洗得好乾淨，連肥油都清埋，呢碗係要用好多心機同時間煮嘅烏冬，好味！
食飽飯同兩位小朋友去埋廁所，要去日通交狗啦！
日本通運株式会社
毛毛：媽媽今次唔係同你一齊坐咩？做咩嚟呢度架？
毛毛你要乖，媽媽會係香港接返你架啦！
毛毛：媽媽我想同你一齊坐飛機！
JL735 TOKYO NARITA - HK (1815-22:30) 05HR 15MIN
我哋還咗車就去機場check-in，點知有兩個喼超重，要買紙盒分開裝，好在坐JAL每人有46kg咋，唔係俾人罪錢會好金！
準時到香港，又係東舅父嚟接我哋機，今次我哋要去JAL office攞提單，JAL service好好，我哋未到佢office時，佢已經打電話話我聽Ｄ文件已經ready，可以隨時上去攞，相比CX去到佢office仲要不斷追先有提單攞實在相差太遠啦！
順順利利接咗兩位小朋友就返屋企啦，19日嘅大旅行亦圓滿結束！
跟住睇埋我哋Ｄ戰利品啦～
初初我以為我唔係買咗好多嘢，不過點算吓又好似幾多喎！
清晒Ｄ衫褲鞋襪，唸兩個喼同兩個紙箱裡面都係我哋嘅戰利品，有Ｄ係歡媽架！
杉養蜂園水果蜜同蜂蜜，有Ｄ係我Ｄ街坊架！
毛毛戰利品，毛毛今次應該好滿意，因為玩具多過衫衫呀！
毛毛都有好多禮物, 又有和牛食, 應該大滿足啦
回覆刪除[版主回覆12/03/2011 14:24:50]毛毛話如果一次開晒d新玩具俾我玩就更滿足…hahaha
結局完滿結束，毛毛要努力訓番夠；你地都要努力賺錢錢再plan過去玩呀！期待再有毛毛既生活點滴。原來毛毛比同類身型細咁多。
回覆刪除[版主回覆12/03/2011 14:28:53]哈哈...毛毛返嚟瞓咗三日先正常返啦！“努力賺錢錢“我會轉告毛爸，叫佢努力d存啦！毛毛因為mix咗，所以比同類身型細d，好在係咁咋，唔係佢成日扭抱我真係c得呀！
毛媽想請問你地回程番香港之前使唔使響日本樹再做pet examination & 申請 export permit?? 毛毛mix左什麼品種啊﹖﹖系我見過最得意ge八哥女女啊~~~
回覆刪除[陳奀仔回覆12/06/2011 20:44:03]系lor,泰國太危險啦。。。好彩奀仔好健康jek。我剛剛先問清楚晒出入境泰國<-->瑞士ge過程&手續﹐原來奀仔如果都做到佢哋要求就唔使檢疫可以直接入境啊﹗﹗來回程仲可以都同我一起坐客艙tim哦﹐手續毅唔複雜。太開心啦﹐要好好plan下先﹐不如一起啊﹐哈哈。。。
[版主回覆12/06/2011 14:27:17]如果唔係去泰國返香港要坐４個月檢疫監，我真係會帶毛毛去泰國玩架！咁毛毛同奀仔就可見吓面啦！mix咩都唔緊要，最緊要健健康康就得啦！可以用email預早伸請架，我哋通常早成個月就伸請定，伸請表度會註明佢哋幾時會到日本！
[陳奀仔回覆12/05/2011 19:08:00]佢甘靚女﹐如果un仔遇到實好開心啊~~ Un仔都系唔知mix左mud架。7日前申請不過你有逗留日本7日甘耐嗎﹖﹖
[版主回覆12/05/2011 17:19:10]要架，最少７日前要申請export inspection，回程當日就要喺農林省做body check同出health cert.! 我都唔知佢mix咩呀，不過我哋估佢係芝娃娃，因為毛毛比正常８哥細隻，而且佢係短毛，同埋Ｄ色都好似芝娃娃，你咁讚佢，佢又會得得戚戚架啦...哈哈...
德國好FREE呀..咁多方都可以同狗狗一齊入去shopping....個水樽邊度買到?毛毛媽你本著作是唔是有教點樣搞狗隻出入境,檢疫等手續?
回覆刪除[版主回覆12/06/2011 14:28:56]水樽我喺馬鞍山pet pet shop見過有得賣！係呀，不過係香港同日本手續，無德國架～
毛毛d戰利品好多都係日本貨喎. 咁o係德國有冇o野買到?
回覆刪除[版主回覆12/12/2011 12:59:37]德國就少Ｄ，得兩件玩具咋，歐洲都係賣大狗用品多...
終於追曬19天嘅遊記, 結束的時候總有點唔捨得, 希望好快見到你地下一次嘅遊記~
回覆刪除[版主回覆12/12/2011 13:04:55]你都係啦，有無準備再去遠Ｄ呢，我哋返香港嗰晚喺漁農處見到四隻大狗喺加拿大返，佢主人講每件夏天都會同佢哋去加拿大玩幾個月！
分咗咁多日睇, 終於到尾聲啦...><''''....好多戰利品呀...雖然唔係我, 但我睇到都開心呀..
回覆刪除[版主回覆12/15/2011 22:31:07]寫咗成個月呀@.@""原來你又係買嘢精！XDDD....
好似跟埋你地去旅行咁呀! 毛毛你好幸福呀!
回覆刪除[版主回覆01/30/2012 12:58:03]哈哈...返嚟啦，行程完咗啦！每個有媽媽錫嘅小朋友都一樣幸福呀！^o^
毛毛媽你好呀，第一次留言，我都plan緊帶我隻寶貝仔去日本，有d野想請教你架，我睇你本毛毛去伊豆本書話JAL係可以為乘客處理狗狗來回運輸的問題咁係咪即係唔需要搵日本托運公司呢?謝謝!
回覆刪除[Waiwai回覆04/29/2013 14:49:30]明白~~thx!遲d可能重有野要請教你hehe
[版主回覆04/29/2013 14:12:49]係JAL會用返佢自己嘅托運公司，唔洗自己搵，不過而家唔知有無變喎！
我哋呢次都係用返自己搵嘅托運公司