毛毛做完手術後我將佢ｄ玩具收埋晒，怕佢掛住玩玩具會整嚫ｄ傷口，所以毛毛手術後都無笑過，而且成日都好似好悶咁，無玩具玩又真係幾悶嘅
唯有成日都瞓瞓瞓啦
見佢咁慘，噚日我終於忍唔住俾咗隻佢最鍾意嘅龜龜佢...
之後......毛毛終於笑啦～～～
由下午一直玩到夜晚....
攰到隻眼仔都爭唔大都要掛住隻龜龜，一攞隻龜走佢就同你死過，仲搞到成條毛巾都係口水！好在有條毛巾墊住咋，整污漕個蛇餅就唔知點算啦！
呢排無得出街食飯，毛爸收工又收得夜，成日放咗工仲要去買呢買路，搞到早極都要９點先返到屋企，都好辛苦呀！於是毛爸噚晚買咗個６人盤菜返嚟，咁咪可以食３日，呢兩晚咪可以早ｄ返屋企陪隻小魔怪囉，好計仔吖毛爸！
另外要話聲大家知，千其唔好買鴻福堂嘅蕃薯糖水呀，我未食過咁難食嘅糖水，ｄ蕃薯仲爽過ｄ蘋果，ｄ湯又無味，咁都夠膽攞出嚟賣，唔係呢排我唔出得街，實去佢舖頭嘈佢呀，收人十幾蚊，俾ｄ垃圾人，你哋千其千其唔好再上佢當呀！
哇.. 毛毛一定極愛隻龜龜! 拎龜龜前後, 完全係兩個樣架!
回覆刪除[版主回覆01/21/2010 14:14:00]龜龜係毛毛最最最鍾意嘅玩具，佢已經有５隻龜龜，如果大家見到邊度有呢隻龜賣，唔該通知我一聲，因為我已經無存貨啦～～～
毛毛瞓得好c服喎.....叉足電好快又可以跟爸爸媽媽去wet lu......
回覆刪除小朋友好易滿足, 有得食, 有得玩, 有得瞓, 最緊要爸媽錫錫就得.....
[版主回覆01/21/2010 14:17:00]佢哋就係咁簡單，咁可愛，所有嘢都係全心全意，包括愛我哋！
sweet sweet ......令我諗起安囡嘅笑容, thank you Mo Mo
回覆刪除個６人盤菜好靚，可過諗起你哋食３日.......
我有食佢個杏汁疍白糖水&木瓜雪耳糖水, 好OK喎, especially the former one.....係未我要求太低呢?
[版主回覆01/21/2010 14:28:00]安安嘅笑容的確係同毛毛好似，都係一樣咁燦爛！
唔計啦，要閉關，星期日同毛毛去完覆診到而家都未出過屋企門口半步呀......
唔係你要求太低，係佢個蕃薯糖水特別差，我食過紅豆沙都OK，仲爽過蘋果嘅蕃薯都俾佢揾到，仲要攞出嚟賣就真係差囉，無QC嘅咩！
毛毛一見龜龜就笑得好開心喇!
回覆刪除點解要用毛巾墊住既?
你地個盆菜又大又豐富, 食足三日都無問題呀!
[版主回覆01/21/2010 14:33:00]龜龜係佢嘅至愛噃，梗開心啦～～～
佢咬龜龜時好肉緊架，成隻龜濕晒，唔要用毛巾墊住會整濕個蛇餅，我得一個蛇餅咋，污漕咗就無得用架啦！
已經食咗兩日，第三日真係唔係幾想食，不過又唔想浪費食物，今晚努力食埋佢啦！
我第一次見毛毛笑得咁開心咋....祝毛毛早日康復
回覆刪除[版主回覆01/21/2010 14:34:00]多謝馬莎 ！毛毛真係好耐無笑過，我見佢笑得咁開心，我自己都好開心吖！
哈哈哈, 買個盆菜食足3日....咁都比你地諗倒! 不如叫毛爸整個大餅圍晌你條頸度啦.
回覆刪除蕃薯糖水d咁簡單既野都要出去買, 就咁加薑煲熟d蕃咋喎, 都可以整得咁難食? 你不如自己煲啦.
[版主回覆01/21/2010 14:40:00]一個大餅唔夠呀，要兩個，我同毛毛一人一個！
你唔記得我係”無飯煮婦”咩，仲係超級嗰隻呀！
毛毛真係笑得好開心,好靚女呀!
回覆刪除[版主回覆01/21/2010 14:41:00]呢個笑容我等咗好耐！
毛毛笑番就好喇~
回覆刪除[版主回覆01/21/2010 14:41:00]小朋友好易氹！
毛毛見到龜龜,真係開心晒呀.
回覆刪除我都覺得鴻福堂d糖水好唔掂,都係d湯好好多.
[版主回覆01/21/2010 14:44:00]小朋友有得玩就開心，好易氹！
佢ｄ湯我未試過喎，下次試吓先！
毛毛, 你開心番就好喇!
回覆刪除[版主回覆01/21/2010 14:47:00]一見龜龜我就識笑架啦，不過媽咪前幾日死都唔肯俾我咋麻！
一盤嘢食3日, 咁都諗到 ? 勁呀!
回覆刪除[版主回覆01/21/2010 14:49:00]呢樣都係我閉關要練嘅神功之一！
你放咁多日假陪毛毛, 咁你未又少左好多大假law. 到時點去旅行呀?
回覆刪除[版主回覆01/22/2010 14:27:00]呢隻小魔怪要清我假都無計架，今年本來約咗朋友去歐洲兩個星期，而家要改出年先去囉！不過毛毛可以健健康康都無所謂啦！
開心返, 識得笑, 咁就好!
回覆刪除[版主回覆01/22/2010 14:28:00]係呀，我等佢笑等咗好耐呀！