細毛毛搬咗屋成個幾月，今日我哋成班朋友仔去搞吓佢屋先，因為各位媽咪有正經嘢做，所以佢哋３點已經去咗細毛毛屋企啦，日本狗狗團好快就出發啦，大家唔好誤會，我無份去架，係媽咪唔抵得人哋有得去，係要早ｄ去襯吓熱鬧喎！
我都話CoCo好嗲架啦！
細毛毛同金菇大戰咗幾十個回合，由天光玩到天黑都唔攰嘅？
金菇好得意架，媽咪罰佢坐，佢可以好乖乖坐好耐都唔郁～～～
成枱都係嘢食，今日大家要落力ｄ食啦，歡pa仲特登去西貢買咗ｄ新鮮魷魚，親手片剌身我哋食，藍色嗰兩碟就係啦，好好食！
CoCo媽可唔可以抱埋我呀～～～
星星好乖，無蝦小朋友，仲同佢合照添，我就一定唔得啦，唔吠都會"wu"佢呀！
個個阿媽都係廿四考架，攬住自己個女就滿足晒，有相為証架！
今日又有驚喜呀，成班朋友仔同我慶祝生日（梗係順便幫埋媽咪啦
玩吓食吓終於搞到11點先捨得返屋企～～～
＊＊＊＊＊由於媽咪嗰晚偷懶，影得好少相，所以呢篇blog大部份嘅相都係喺星星同細毛blog度偷嘅，唔該晒星星媽咪同細毛媽咪借ｄ相我哋用呀！＊＊＊＊＊
好狀觀呀
回覆刪除[版主回覆04/18/2009 10:17:00]呢度係第一批，張枱放唔晒，之後仲有第二批！
嘩！好熱鬧呀！挽到成１１點，咁毛毛一定好攰囉。
回覆刪除[版主回覆04/18/2009 10:18:00]真頭不支倒地啦！
好開心呀 ! 又出發嘞 !
回覆刪除[版主回覆04/18/2009 10:19:00]我都好想去，聽到我都好想跟埋佢哋去呀！
妳地一家三口好幸福呢... 嘩, 3個蛋糕, 好利害, 食唔食得晒啊?
回覆刪除[版主回覆04/18/2009 10:21:00]有小狗嘅家庭一定幸福啦！ 3個蛋糕，無問題，渣都無得淨呀～～～
好多嘢食呀﹗
回覆刪除[版主回覆04/18/2009 10:22:00]有19位大胃王吖麻！
毛毛, 原來你見到小朋友會吠同"wu"佢地架, 我又係咁架, 真係同好夾既啫.
回覆刪除[版主回覆04/18/2009 10:24:00]BB你又係咁架，都叫你娶我架啦！
我成日都好似coco 咁攬住媽咪架, 不過媽咪話我又肥又重....其實我比起coco, 已經好輕盈架啦.
回覆刪除[版主回覆04/18/2009 10:26:00]CoCo媽話俾我哋聽，小朋友係無分大細輕重架，BB叫媽咪抱多ｄ啦！
嘩....睇見都開心呀, 哈哈~~~!!!真係好呀, 又聽到狗狗旅行團成團出發喇, 我都希望自己可以快d實現呀, hehe~~!!!
回覆刪除祝毛毛同毛毛媽生日快樂呀~~~!!!
[版主回覆04/18/2009 10:29:00]多謝晒！
我都好想跟佢哋去呀，咁你努力啦，小吉同紅豆等緊你帶佢哋沖出香港呀！
WOW!!!!!!!!!!!!!!真係好多野食呀!
回覆刪除我都想我可以快d同粒粒珠珠去日本呀!
[版主回覆04/19/2009 16:22:00]有19位大胃王吖麻！
我知你好快可以成行嘅！
我喺梁歡blog見到....仲以為係你搬咗去西貢!
回覆刪除[版主回覆04/20/2009 23:40:00]我都想，之前住過一年村屋，裝咗蚊帳都俾ｄ蚊咬到豬頭咁，以後都唔敢再住村屋啦！
有小狗嘅家庭一定幸福啦！ 我同意!!
回覆刪除有左MANGO, 我好幸福. YEAH!!!!!!!!
[版主回覆04/20/2009 23:42:00]係囉，ｄ人成日話ｄ狗狗幸福，其實係我哋有咗佢哋先叫幸福！